Imam e Kaba Sends "Ghilaf e Kaba" As Gift to JUIF's Ansarul Islam

Home Talk Shows All Shows Cricket User Posts Submit Your Post Live News Channels Feedback

Imam e Kaba Sends "Ghilaf e Kaba" As Gift to JUIF's Ansarul Islam

Posted By: Wajid Usman, November 11, 2019 | 23:52:56

Imam e Kaba Sends "Ghilaf e Kaba" As Gift to JUIF's Ansarul Islam

امام کعبہ کا انصارالاسلام کے لیے غلاف کعبہ کا تحفہ
جمعیت علماء اسلام (ف) کی ذیلی تنظیم انصارالاسلام نے منفرد اعزاز اپنے نام کرلیا ہے۔

امام کعبہ نے جے یو آئی (ف) کے رضاکاروں کے لیے غلاف کعبہ کا ایک حصہ بھجوایا ہے۔

انصارالاسلام کے رضاکاروں کے لیے تحفہ امام کعبہ فضیلت الشیخ عبد الرحمٰن السدیس کی جانب سےجمعیت علماء اسلام سعودی عرب کے رہنما عبدالسبحان کے توسط سے بھیجا گیا ہے۔

امام کعبہ کی جانب سے بھیجے گئے غلاف کعبہ کے حصے کی انصارالاسلام کے رضاکاروں نے آزادی مارچ دھرنے میں شریک لوگوں کو زیارت بھی کروائی۔

واضح رہے کہ جمعیت علماء اسلام ف کے سربراہ مولانا فضل الرحمان کی قیادت میں27 اکتوبر کو کراچی سے آزادی مارچ کے سفر کا آغاز ہوا تھا جو پورے ملک سے ہوتا ہو ا یکم نومبر کو اسلام آباد میں داخل ہوا، اس وقت سے اب تک جے یو آئی ف کا آزادی مارچ اسلام آباد میں دھرنا دیئے ہوئے ہے اور وزیر اعظم عمران خان سے استعفیٰ کا مطالبہ بھی کررہے ہیں۔

آزادی مارچ میں سیکیورٹی کے فرائض انصارالاسلام کے رضاکار بحسن و خوبی سر انجام دے رہے ہیں، جن کی ذمہ داریوں میں ٹریفک اور مارچ کو کنٹر ول کرنے کے ساتھ ساتھ ریلی کے روٹ کو کلیئر کروانا بھی شامل ہے۔

جے یو آئی ف کے اس آزادی مارچ کے پورے ملک کے سفر کے دوران کہیں بھی بد نظمی دیکھنے میں نہیں آئی اور نہ ہی کسی بھی مقام پر کوئی سرکاری یا نجی املاک کو نقصان پہنچایا گیا ہے، جبکہ اکثر مقامات پر انصارالاسلام کے رضاکار ایمبولینس کے لیے راستہ بناتے ہوئے بھی نظر آئے۔

اس کے علاوہ انصارالاسلام کے رضاکاروں نے دھرنے کے مقام پر کئی بار صفائی ستھرائی بھی کی اور سیکورٹی پر مامور پولیس اہلکاروں کو کھانا بھی پیش کیا جبکہ خواتین رپورٹرز میں انصارالاسلام کی جانب سے بارش کے دوران چھتریاں اور چادریں بھی تقسیم کی گئیں۔

Source