Top Rated Posts ....
Menu
Search

الیکشن میں نجم سیٹھی کی (ن) لیگ کے لئے خدمات کا صلہ ۔ پی سی بی کا قائم مقام چیئرمین بنانے کا امکان

Posted By: Shahid Iqbal on June 23, 2013 | 09:16:07



لاہور…سابق نگراں وزیراعلیٰ پنجاب اورسینئر صحافی نجم سیٹھی کو پاکستان کرکٹ بورڈ کا قائم مقام چیئرمین بنائے جانے کا امکان ہے۔پاکستان کرکٹ بورڈ ان دنوں ذکاء اشرف کی معطلی کے بعد بغیر چیئرمین کے کام کررہا ہے۔ اسلام آبادہائی کورٹ نے بین الصوبائی رابطہ کمیٹی کو ذمہ داری سونپی تھی کہ قائم مقام چیئرمین کا تقرر جلد از جلد کیا جائے، اس حوالے سے سابق کپتان ماجد خان، سابق چیف ایگزیکٹو پی سی بی چشتی مجاہد اور ایف بی آر کے سابق چیئرمین ممتاز رضوی کے نام سامنے آئے تھے۔ لیکن ذرائع کے مطابق قرع اب سینئر صحافی نجم سیٹھی کے نام نکلنے کا امکان ہے۔ نجم سیٹھی نے الیکشن سے قبل پنجاب کے نگراں وزیر اعلیٰ کی حیثیت سے بھی فرائض انجام دئیے تھے۔ امکان ہے کہ اسلام آباد ہائی کورٹ میں بین الصوبائی رابطہ کمیٹی کل نجم سیٹھی کا نام پی سی بی کے قائم مقام چیئرمین کیلئے پیش کرے گی۔


Source: Jang News

Comments...
Advertisement



Follow on Twitter

Popular Posts