Bus Hostess Harassment Case: Investigation Committee Formed To Probe The Incident

Home Talk Shows All Shows Cricket User Posts Submit Your Post Live News Channels Feedback

Bus Hostess Harassment Case: Investigation Committee Formed To Probe The Incident

Posted By: Hashim Ali, April 09, 2019 | 16:27:29

Bus Hostess Harassment Case: Investigation Committee Formed To Probe The Incident

لاہور سے اسلام آباد جاتے ہوئے موٹر وے پر مسافر نے بس ہوسٹس سے بدتمیزی کی، خود کو ایف آئی اے کا افسر ظاہر کرنے والا مسافر خاتون ہوسٹس کو دھمکیاں دیتا رہا۔ موٹر وے پولیس نے غفلت پر خاتون افسر اور فوٹو گرافر کو معطل کردیا۔

لاہور سے براستہ موٹروے اسلام آباد جاتے ہوئے پانی کی بوتل کے معاملے پر ایک مسافر نے بس ہوسٹس کیساتھ بدتمیزی کی اور اس کی بوتلیں چھین لیں۔ ایف آئی اے کے مبینہ افسر نے خاتون کو بس سے نیچے پھینکنے کی دھمکیاں بھی دیں۔

مسافر نے گالیاں اور دھمکیاں دینا شروع کیں تو بس ہوسٹس رو پڑی جس پردیگر مسافروں نے مداخلت کرکے موٹر وے پولیس بلائی۔

مسافر نے خود کو ایف آئی اے کا اہلکار ظاہر کیا تو پہلے موٹر وے پولیس کارروائی سے کتراتی رہی، بعد ازاں دیگر مسافروں کی مداخلت پر بالآخر اُس شخص کو بس سے نکلنا پڑا۔

بس ہوسٹس سے بدتمیزی اور دھمکیوں کی ویڈیو وائرل ہونے پرموٹر وے پولیس کی جانب سے معاملے کی انکوائری شروع کر دی گئی۔

غفلت برتنے پر موٹر وے پولیس کی خاتون انسپکٹر اور فوٹو گرافر کو معطل کردیا گیا جبکہ ایس ایس پی ساؤتھ کی سربراہی میں کمیٹی قائم کر دی گئی ہے جو 3 روز میں تحقیقات کے بعد رپورٹ اعلیٰ حکام کو پیش کرے گی۔