Top Rated Posts ....
Menu
Search

لنڈابازارکی ڈگریاں رکھنے والوں نے بجٹ بنایا، ڈاکٹرعبدالقدیرخان

Posted By: Junaid Aslam Okara on June 23, 2013 | 10:24:25



کراچی: محسن پاکستان کا خطاب پانے والے ایٹمی سائنسدان ڈاکٹرعبدالقدیر خان نے کہا ہے کہ حالیہ بجٹ ان لوگوں نے بنایا جن کی ڈگری لنڈا بازار کی ہے۔

کراچی میں ایک تقریب سے خطاب کرتے ہوئے ڈاکٹر عبدالقدیر خان کا کہنا تھا کہ جس طرح کلرک ریلوے نہیں چلا سکتا اسی طرح اکاؤنٹنٹ بھی بجٹ نہیں بناسکتا۔ ان کا کہنا تھا کہ حکومت کی پہلی، دوسری اور تیسری ترجیح بھی توانائی کے بحران کا حل ہونا چاہیے۔

ڈاکٹرعبدالقدیرنے کہا کہ انکم اسپورٹ جیسے پروگرام بندر بانٹ کے لیے ہوتے ہیں اوریہ پروگرام رشوت ستانی کا سب سے بڑا ذریعہ ہیں، ہم آخر کب تک خیرات پر گزارا کرتے رہیں گے۔ انہوں نے کہا کہ کسی کی پروا کیے بغیر ایران گیس پائپ لائن منصوبے پر عمل کیا جائے، تھرکول سندھ حکومت کے بس کی بات نہیں بلکہ اسے چینی کمپنی کے حوالے کردینا چاہئے۔


Source: Express News

Comments...
Advertisement



Follow on Twitter

Popular Posts