Top Rated Posts ....

Zulfi Bukhari's Name Was Not on ECL - Interior Ministry

Posted By: Saeed Elahi, June 14, 2018 | 03:29:14


Zulfi Bukhari's Name Was Not on ECL - Interior Ministry




اسلام آباد: (دنیا نیوز) نگران وزیرِاعظم کو پیش کرنے کیلئے وزارتِ داخلہ کی رپورٹ تیار کر لی گئی ہے جس میں کہا گیا ہے کہ زلفی بخاری کا نام ای سی ایل میں نہیں تھا، نیب کی درخواست پر بلیک لسٹ میں شامل کیا گیا، ملک سے باہر بھیجنے کیلئے صوابدیدی اختیارات ہیں۔

وزارتِ داخلہ کا کہنا ہے کہ بلیک لسٹ میں شامل شخص کو بیرون ملک بھیجنے کے صوابدیدی اختیارات موجود ہیں، ان اختیارات کو استعمال کرتے ہوئے زلفی بخاری کو عمرہ ادائیگی کی اجازت دی گئی۔

تفصیلات کے مطابق نگران وزیرِاعظم ناصر الملک کو پیش کرنے کیلئے رپورٹ میں کہا گیا ہے کہ وزارتِ داخلہ کے پاس بلیک لسٹ میں شامل شخص کو ایک بار بیرونِ ملک بھیجنے کے صوابدیدی اختیارات موجود ہیں، جنہیں استعمال کرتے ہوئے زلفی بخاری کو عمرہ کیلئے جانے کی اجازت دی۔

ذرائع کا کہنا ہے کہ عمران خان نے سیکرٹری داخلہ کو فون کر کے زلفی بخاری کے واپس آنے کی یقین دہانی کرائی جس پر وزارتِ داخلہ نے صوابدیدی اختیارات استعمال کئے۔

خیال رہے کہ زلفی بخاری پر آف شور کمپنیوں کی ملکیت کا الزام ہے۔ قومی احتساب بیورو (نیب) میں اس حوالے سے تحقیقات جاری ہیں۔


Source




Follow Us on Social Media

Join Whatsapp Channel Follow Us on Twitter Follow Us on Instagram Follow Us on Facebook


Advertisement





Popular Posts

Comments...