Exclusive scenes of stunning Fly-past by Pakistan Air Force hawks
Imran Khan’s son Qasim's interview to The Reuters - Details by Shahzeb Khanzada
CCTV footage of child Ibrahim falling into manhole at Nipa Chowrangi
Breaking News: Lahore High Court approved the bail of Engineer Muhammad Ali Mirza
Ap Paida Bhi Nahi Hue Tab Mein Jail Gayi Thi - Interesting chat b/w Shehla Raza & Naeem Panjutha
NFC Award, big hindrance in Pakistan's progress - Kamran Khan's discussion with Shabbar Zaidi
Imam e Kaba Sends "Ghilaf e Kaba" As Gift to JUIF's Ansarul Islam
امام کعبہ کا انصارالاسلام کے لیے غلاف کعبہ کا تحفہ
جمعیت علماء اسلام (ف) کی ذیلی تنظیم انصارالاسلام نے منفرد اعزاز اپنے نام کرلیا ہے۔
امام کعبہ نے جے یو آئی (ف) کے رضاکاروں کے لیے غلاف کعبہ کا ایک حصہ بھجوایا ہے۔
انصارالاسلام کے رضاکاروں کے لیے تحفہ امام کعبہ فضیلت الشیخ عبد الرحمٰن السدیس کی جانب سےجمعیت علماء اسلام سعودی عرب کے رہنما عبدالسبحان کے توسط سے بھیجا گیا ہے۔
امام کعبہ کی جانب سے بھیجے گئے غلاف کعبہ کے حصے کی انصارالاسلام کے رضاکاروں نے آزادی مارچ دھرنے میں شریک لوگوں کو زیارت بھی کروائی۔
واضح رہے کہ جمعیت علماء اسلام ف کے سربراہ مولانا فضل الرحمان کی قیادت میں27 اکتوبر کو کراچی سے آزادی مارچ کے سفر کا آغاز ہوا تھا جو پورے ملک سے ہوتا ہو ا یکم نومبر کو اسلام آباد میں داخل ہوا، اس وقت سے اب تک جے یو آئی ف کا آزادی مارچ اسلام آباد میں دھرنا دیئے ہوئے ہے اور وزیر اعظم عمران خان سے استعفیٰ کا مطالبہ بھی کررہے ہیں۔
آزادی مارچ میں سیکیورٹی کے فرائض انصارالاسلام کے رضاکار بحسن و خوبی سر انجام دے رہے ہیں، جن کی ذمہ داریوں میں ٹریفک اور مارچ کو کنٹر ول کرنے کے ساتھ ساتھ ریلی کے روٹ کو کلیئر کروانا بھی شامل ہے۔
جے یو آئی ف کے اس آزادی مارچ کے پورے ملک کے سفر کے دوران کہیں بھی بد نظمی دیکھنے میں نہیں آئی اور نہ ہی کسی بھی مقام پر کوئی سرکاری یا نجی املاک کو نقصان پہنچایا گیا ہے، جبکہ اکثر مقامات پر انصارالاسلام کے رضاکار ایمبولینس کے لیے راستہ بناتے ہوئے بھی نظر آئے۔
اس کے علاوہ انصارالاسلام کے رضاکاروں نے دھرنے کے مقام پر کئی بار صفائی ستھرائی بھی کی اور سیکورٹی پر مامور پولیس اہلکاروں کو کھانا بھی پیش کیا جبکہ خواتین رپورٹرز میں انصارالاسلام کی جانب سے بارش کے دوران چھتریاں اور چادریں بھی تقسیم کی گئیں۔
Source
