کراچی : معروف پاکستانی ڈرامہ آرٹسٹ، ماڈل اور فلم ڈائریکٹر ماہ نور بلوچ کل اپنی 43 ویں سالگرہ منارہی ہیں۔

وہ 14 جولائی 1970 کو کراچی میں پیدا ہوئیں، انہوں نے ماڈلنگ کیریئر کا آغاز 20 برس کی عمر میں کیا جبکہ وہ پہلی مرتبہ ٹی وی ڈرامہ سیریل” ماروی” میں 1993ء میں نظر آئیں۔

ماہ نور بلوچ کا اگلا ڈرامہ سیریل “دوسرا آسمان” تھا جس میں انہوں عابد علی کی بیٹی کا کردار ادا کیا۔

انہوں نے 2000ء میں ڈراموں کی پروڈکشن شروع کی ،” لمحے” ان کی پہلی سیریل تھی، اس سیریل میں معروف گلوکار شہزاد رائے نے بھی طبع آزمائی کی۔

اس کے بعد انہوں نےایک اور ڈرامہ سیریل ” پت جھڑ کی چھاؤں” بنائی، وہ بھی بہت پسند کی گئی۔

Source: The News Tribe