Former Army Chief General (R) Qamar Javed Bajwa Seriously Injured After Falling in Bathroom at Home
Aleema Khan’s views on Salman Safdar's meeting with Imran Khan in jail
PCB has won Bangladesh too in a diplomatic way - Indian journalist Vikrant Gupta
Imran Khan's lawyer Salman Safdar talks to media after submitting report in Supreme Court
Sindh Assembly rejects resolution seeking ban on the sale of alcohol
What happened with General (R) Bajwa, how he got injured? Javed Chaudhry shares details
Uncle Parvez Rasheed Maryam Nawaz Ki Nawasi Ke Chips Kha Gaye - Read Details
مریم نواز کی نواسی کیلیے خریداری: انکل پرویز رشید نے ہاتھ صاف کردیا
لاہور: پاکستان مسلم لیگ (ن) کے مرکزی رہنما اور سابق وفاقی وزیر سینیٹر پرویز رشید نے نواسی کی چیزوں پر ہاتھ صاف کردیا۔
ہم نیوز کے مطابق ن لیگ کی مرکزی نائب صدر مریم نواز نے گزشتہ روز بہاولپور ریلی میں شرکت کے بعد لاہور واپسی میں اپنی نواسی سیرینا کے لیے اسٹور سے کچھ چیزیں خریدی تھیں جن میں چپس کا پیکٹ کا بھی شامل تھا۔
سابق وزیراعظم نواز شریف کے دور حکومت میں وفاقی وزیر برائے اطلاعات و نشریات رہنے والے سینیٹر پرویز رشید نے سیرینا کے لیے خریدے گئے چپس کے ایک پیکٹ پہ ہاتھ صاف کردیا۔
سینیٹر پرویز رشید جب چپس کے پیکٹ سے لطف اندوز ہو رہے تھے تو عین اسی وقت مریم نواز کی نگاہ ان پہ پڑی تو انہوں نے ایک تصویر کھینچ کر سماجی رابطوں کی ویب سائٹس پر اس کیپشن کے ساتھ شیئرکی کہ ’’انکل پرویز رشید اپنی بھوک اس سے مٹانے کی کوشش کررہے ہیں جو میں نے سیرینا کے لیے خریدی تھیں‘‘۔
مریم نواز کی جانب سے سماجی رابطوں کی ویب سائٹس پر شیئر کی جانے والی ویڈیو اور تصویز کو بے حد پسند کیا جا رہا ہے۔ سماجی رابطوں کے صارفین مریم نواز کی جانب سے شیئر کی جانے والی ویڈیو دیکھ کر اس پر دلچسپ انداز میں تبصرہ بھی کررہے ہیں۔
ن لیگ کی مرکزی نائب صدر مریم نواز نے جو ویڈیو شیئر کی ہے اس میں دیکھا جا سکتا ہے کہ وہ اپنی نواسی سے ویڈیو کال پر بات چیت کررہی ہیں اور اسٹور میں رکھے ہوئے کھلونے دکھا کر معلوم بھی کررہی ہیں کہ انہیں کون سے کھلونے چاہئیں؟
مریم نواز نے اسی سفر میں بذریعہ موٹروے واپسی پر اپنے والد میاں نواز شریف کا موٹروے بنانے پر شکریہ بھی ادا کیا ہے
Source
