Trump says he won't rule out sending ground troops to Iran - Fox News
India's largest nuclear power plant's data leaked on Dark Web
Government changes policy regarding Pakistanis returning home on NICOP
PM Shehbaz Sharif's tweet on Houthis attack against Saudi Arabia
Waqt Badaltay dair nhn lagti - Hamid Mir's advice to PMLN in his column
Maulana Fazal ur Rehman's statement sparks unified political response
JUIF's MNA Maulana Salahuddin Ayubi Married 14 Years Old Girl, Police Started Investigations
کوئٹہ (آن لائن ) جے یو آئی ایف سے تعلق رکھنے والے رکن قومی اسمبلی مولانا صلاح الدین ایوبی نے اپنی پوتی کی عمر کی بچی سے شادی کرلی۔ لڑکی کی عمر صرف 14سال ہے، پولیس نے تفتیش شروع کردی۔
پولیس نے کہا ہے کہ چترال سے تعلق رکھنے والی 14 سالہ لڑکی کی شادی بلوچستان کے رکن قومی اسمبلی مولانا صلاح الدین ایوبی سے کرائی گئی ہے، جس پر انہوں نے تفتیش کا آغاز کر دیا ہے۔
چترالی خواتین کی فلاح و بہبود کے لیے کام کرنے والی تنظیم کی درخواست پر پولیس نے کارروائی شروع کر دی، کم عمری کی اس شادی کے خلاف چترالی خواتین کی فلاح و بہبود کے لیے کام کرنے والی تنظیم نے پولیس میں درخواست دائر کی تھی۔
چترال پولیس نے درخواست موصول ہونے کی تصدیق کی ہے۔ اس کیس کے انکوائری آفیسر ایڈیشنل ایس ایچ او رحمت عظیم کا کہنا ہے کہ اس کیس پر تفتیش شروع ہوچکی ہے۔
سکول ریکارڈ کے مطابق لڑکی کی تاریخ پیدائش ستمبر 2006 ہے اس طرح اس کی عمر 14 برس بنتی ہے۔
ملکی قوانین کے مطابق شادی کے لیے لڑکی کی کم از کم عمر کی حد 16 سال مقرر ہے، اس سے کم عمر بچی سے شادی جرم کے زمرے میں آتی ہے۔ 16 سال سے کم عمر کے بچی کے شادی میں اگر والدین یا سرپرست کی رضامندی شامل ہو، تو وہ بھی جرم میں برابر کے شریک ہوں گے اور اس کے علاوہ نکاح خواں اور گواہ بھی جرم میں معاون سمجھے جائیں گے۔
مولانا صلاح الدین ایوبی کا تعلق جے یو آئی (ف) سے ہے، وہ بلوچستان سے رکن قومی اسمبلی منتخب ہیں اور اس وقت پارلیمنٹ کا حصہ ہیں۔
Source: Jang
