Donald Trump refused to leave stage during World Cup trophy lift, See what FIFA president did with him?
Iran accuses US of strike on Iran’s Darkhovin nuclear power plant
Chairman PTI's sister Noreen Niazi faces backlash over shameful remarks against Pak Army & Marka e Haq
Bilawal Bhutto says Khawaja Asif should be removed from the cabinet if…
Iran launches major missile strike on U.S. Bases in Saudi Arabia
Profit rates revised for National Savings Schemes in Pakistan
لڑکی کی کم عمری میں شادی کا نتیجہ۔ راولپنڈی میں سفاک شوہر نے اپنی 14سالہ دلہن کو مار مار کر برہنہ کرکے گھر سے باہر پھینک دیا، ہمسائیوں نے لڑکی کا عریاں بدن ڈھانپا
راولپنڈی: شوہر نے نئی نویلی 14 سالہ دولہن کو تشدد کے بعد برہنہ حالت میں گھر سے باہر نکال دیا۔
ایکسپریس کے نمائندہ خصوصی کے مطابق راولپنڈی کےعلاقے ملک کالونی گرجا روڈ میں سفاک شوہر نے 14 سالہ نو بیاہتا کے ساتھ مبینہ بدسلوکی کی اور برہنہ حالت میں گھرسے نکال دیا۔ ہمسائیوں نے نوجوان لڑکی کو تن ڈھانپنے کے لیے کپڑے دیئے۔
تھانہ صدر بیرونی میں لڑکی کے والد یوسف خان نے رپورٹ درج کرائی کہ بیٹی کی شادی چالیس دن قبل اپنے بھانجے بادشاہ خان سے کرائی تھی تاہم شادی کے چند روز بعد سے ہی داماد نے مارپیٹ شروع کردی تھی۔
یوسف خان نے واقعے کی تفصیل بتاتے ہوئے کہا کہ گزشتہ روز داماد نے بیٹی کو برہنہ کرکے چارپائی سے باندھ دیا اور مبینہ زبردستی کا نشانہ بنایا۔ جان سے مارنے کی دھمکیاں دیں اور برہنہ حالت میں گھر سے نکال دیا۔
پولیس نے مقدمہ درج کرکے 26 سالہ دلہے بادشاہ خان کو گرفتار کرلیا ہے۔ طبی معائنے میں لڑکی کے جسم پر تشدد کے نشانات دیکھے گئے جب کہ فرانزک رپورٹ کا انتطار ہے۔
ایس ایچ او صدر بیرونی انسپکٹر ملک الله یار کاایکسپریس کے رابطے پر کہنا تھا کہ نمونے پنجاب فرانزک سائنس ایجنسی ارسال کردیٰے گئے ہیں۔
Source: Express
