Private airline's staff tear passenger's passport at Karachi airport
Shameful incident occurred as Indian CM pulls down Muslim woman's hijab at official event
Serial numbers of Indian Rafale jets shot down during war with Pakistan revealed
Shahid Afridi's comments on Faiz Hameed's conviction
Moment replica 'Statue of Liberty' topples in storm in Brazil, footage goes viral
Is the viral Image of Imran Khan working out in jail authentic?
Blasphemy Case Registered Against Famous Tiktoker Jannat Mirza
جنت مرزا کے خلاف توہین مذہب کا مقدمہ درج
مسیحی برادری نے پاکستان کی مقبول ترین ٹک ٹاکر جنت مرزا پر توہین مذہب کاالزام عائد کیا ہے جس کے بعد ان کے خلاف مقدمہ درج کرلیا گیا۔
ذرائع نے بتایا ہے کہ جنت مرزا نے گزشتہ دنوں اپنے ٹک ٹاک اکاﺅنٹ پر کچھ ویڈیوز پوسٹ کیں، جن میں ان کے لباس کے ساتھ ایک زنجیر بھی ہوتی ہے جس میں مسیحیوں کی مذہبی علامت صلیب بندھی ہوتی ہے۔ مسیحی برادری کے افراد کی طرف سےایف آئی اے آفس گلبرگ میں درج کرائی گئی ایف آئی آر میں بتایا گیا ہے کہ ٹک ٹاک سٹار نے ایک نامعلوم شخص کے ساتھ ویڈیو بنائی جو بہت وائرل ہوئی۔ اس ویڈیو میں جنت مرزا نے اپنی پینٹ کے سامنے والے حصہ پر چین کے ساتھ صلیب لٹکائی ہوتی ہے جو کہ اس کی پینٹ کی زپ پر لٹک رہی ہوتی ہے۔
ایف آئی آر میں کہا گیا ہے کہ ’جنت مرزا نے جان بوجھ کر مسیحیوں کے مقدس نشان صلیب کی بے حرمتی کی ہے اور لاکھوں پاکستانی مسیحیوں کی دل آزاری کی ہے اور ہمارے مذہبی جذبات کو مجروح کیا ہے۔ ان کے خلاف مقدمہ درج کرکے قرار واقعی سزا دلائی جائے۔“رپورٹ کے مطابق یہ ایف آئی آر سلیم سلویسٹر، ایڈرین راجہ، عابد نواب اور انیل مسیح نامی افراد کی طرف سے درج کرائی گئی ہے۔
اس بارے میں تا حال جنت مرزا کا موقف سامنے نہیں آیا۔
Source
