Mansoor Ali Khan's special podcast with Mohammad Malick on Pakistan's political issues
Mohsin Naqvi reacts to viral video of IG Islamabad & CDA Chairman sitting in a 'Baggi'
Former MPA also fell victim to AI, got married without seeing the woman's real appearance
Wagah Border Flag-Lowering Ceremony Marks Independence Day Celebrations - 14th August 2026
Maulana Fazal Ur Rehman's stance on new provinces - Details by Talat Hussain
There are no 'Cockroaches' and 'Gen-Z' in Pakistan - Governor Sindh to reporter
Lahore Ke Madrasse Ke Mufti Aziz ur Rehman Ki Larke Ke Sath Badkari Ki Video Viral (Mufti Aziz ur Rehman Scandal)
لاہور کے مدرسہ جامعہ منظور الاسلامیہ کے مدرس شیخ الحدیث مفتی عزیزالرحمان کی مدرسے کے طالب علم کے ساتھ بدفعلی کی ویڈیو سوشل میڈیا پر وائرل۔ لوگوں کا شدید غم و غصے کا اظہار۔ مدرسے نےمفتی عزیز الرحمان کو فارغ کردیا۔ویڈیو بدفعلی کا شکار ہونے والے لڑکے نے خود لیک کی
لاہور کے مدرسہ جامعہ منظور الاسلامیہ (واقع: عید گاہ صدر لاہور کینٹ) کے شیخ الحدیث مفتی عزیزالرحمان اپنے مدرسے کے طالب علم کے ساتھ بدفعلی کی ویڈیو وائرل
تفصیلات کے مطابق سوشل میڈیا پر لاہور کے معروف مدرسہ جامعہ منظور الاسلامیہ کے مدرس شیخ الحدیث مفتی عزیزالرحمان کی ویڈیو وائرل ہے جس میں وہ ایک طالب علم کے ساتھ بدفعلی کررہا ہے۔ ویڈیو میں بدفعلی کا شکار ہونے والا طالب علم بتاتا ہے کہ اس نے یہ ویڈیو خود لیک کی ہے تاکہ مفتی عزیز الرحمان کو بے نقاب کیا جاسکے۔ طالبعلم جس کا نام صابر شاہ ہے ویڈیو میں بتاتا ہے کہ اس کو مفتی عزیزالرحمان اور اس کا بیٹا قتل کرنے کی دھمکیاں دے رہا ہے اور اس وقت وہ (طالب علم) ایک جگہ پر چھپا ہوا ہے۔ ویڈیو میں طالب علم مزید کہتا ہے کہ اب اس نے خودکشی کا فیصلہ کرلیا ہے کیونکہ اسے کہیں سے بھی انصاف نہیں ملے گا۔ طالب علم کے مطابق اس نے مدرسہ انتظامیہ کو اس بارے شکایت کی تھی، مگر کسی نے اس کی بات نہیں سنی۔۔
یہ ویڈیو ٹویٹر پر صحافی جمیل فاروقی کی طرف سے شیئر کی گئی تھی اور کچھ دیر بعد ڈیلیٹ کردی گئی۔ جمیل فاروقی نے اپنی ٹویٹ میں وضاحت دیتے ہوئے لکھا "مفتی عبدالعزیز سے متعلق آپ تمام دوستوں کی گزارش پر ویڈیو یہاں سے ڈیلیٹ کر دی گئی ہے لیکن فیس بُک کے آفیشل پیج پر موجود ہے - مجھے مسئلہ جہاں تک پہنچانا تھا وہاں پہچ چکا ہے اور کاروائی کی یقین دہانی کی گئی ہے - بروقت ردعمل کا شکریہ"۔۔
مفتی عبدالعزیز سے متعلق آپ تمام دوستوں کی گزارش پر ویڈیو یہاں سے ڈیلیٹ کر دی گئی ہے لیکن فیس بُک کے آفیشل پیج پر موجود ہے - مجھے مسئلہ جہاں تک پہنچانا تھا وہاں پہچ چکا ہے اور کاروائی کی یقین دہانی کی گئی ہے - بروقت ردعمل کا شکریہ
— Jameel Farooqui (@FarooquiJameel) June 15, 2021
سوشل میڈیا پر ویڈیو وائرل ہونے کے بعد اور لوگوں کے شدید ردعمل کے بعد مدرسے نے ایک نوٹس جاری کیا جس میں بتایا گیا کہ مفتی عزیز الرحمان کو مدرسے سے فارغ کردیا گیا ہے۔۔
مفتی عزیز الرحمان کی مدرسے سے برخاستگی کے بعد جمیل فاروقی نے ٹویٹ کرتے ہوئے لکھا "صرف ایک ٹوئیٹ کے ذریعے ایکسپوز کرنے بعد جامعہ منظور الاسلام نے مفتی عزیر الرحمن کو ایسا فارغ کیا کہ نوٹس کو 12 دن پیچھے لے گئے مطلب اتنی بھی رواداری نہیں رکھی کہ نوٹس آج کی تاریخ کا جاری کیا جاتا - لیکن جملوں کی سختی سے اندازہ لگائیں کہ مدرسے کو اندازہ ہے کہ ردعمل سخت آنے والا ہے"۔
صرف ایک ٹوئیٹ کے ذریعے ایکسپوز کرنے بعد جامعہ منظور الاسلام نے مفتی عزیر الرحمن کو ایسا فارغ کیا کہ نوٹس کو 12 دن پیچھے لے گئے مطلب اتنی بھی رواداری نہیں رکھی کہ نوٹس آج کی تاریخ کا جاری کیا جاتا - لیکن جملوں کی سختی سے اندازہ لگائیں کہ مدرسے کو اندازہ ہے کہ ردعمل سخت آنے والا ہے pic.twitter.com/hZVE8lAsNm
— Jameel Farooqui (@FarooquiJameel) June 15, 2021
کچھ دیر بعد مذکورہ مدرسے کے ناظم نے ویڈیو پیغام جاری کرتے ہوئے بتایا کہ مفتی عزیز الرحمان کو مدرسے نے تحقیقات کے بعد فارغ کردیا ہے۔ مدرسے کے ناظم نے یہ بھی بتایا کہ بدفعلی کا شکار ہونے والے طالب علم نے انہیں کچھ عرصہ پہلے شکایت کی تھی، مگر انہوں نے اس کی بات کا یقین نہیں کیا۔ ویڈیو اس ٹویٹ میں ملاحظہ کی جاسکتی ہے۔
بریکنگ نیوز : مدرستہ الاسلام لاہور کے مہتمم خلیل اللہ ابراہیم کا بڑا اعلان ٫ صابر شاہ کے ساتھ جنسی زیادتی کے واقعے کی ویڈیو میرے ٹوئیٹ کے ذریعے منظر عام پر آنےکےبعد جے یو آئی ف کے رہنما اور معلم مفتی عزیز الرحمن کو برطرف کردیا گیا - انتظامیہ کا مفتی صاحب سے لاتعلقی کا اعلان pic.twitter.com/a5D9oflIQP
— Jameel Farooqui (@FarooquiJameel) June 15, 2021
طالب علم کو بدفعلی کا شکار بنانے والے شیخ الحدیث مفتی عزیز الرحمان دیکھنے میں قریباً ساٹھ ستر سال کے لگتے ہیں، ان کی لمبی گھنی باریش داڑھی ہے اور وہ عرصہ دراز سے مدرسے میں اسلام ، قرآن اور حدیث کی تعلیم دے رہے ہیں۔ سوشل میڈیا پر یہ سوال اٹھایا جارہا ہے کہ کیا محض مفتی عزیز الرحمان کو مدرسے سے فارغ کردینا کافی ہے؟
