Hum Hazaron Nhin Lakhon Rupy Lootney Walay Daku Hain, Robbers Returned Money to Shopkeeper

Posted By: Bilal Ahmad Qamar, July 12, 2021 | 08:24:19

Hum Hazaron Nhin Lakhon Rupy Lootney Walay Daku Hain, Robbers Returned Money to Shopkeeper

ساہیوال، ڈاکوؤں نے 20 ہزار رقم دکاندار کو واپس دے دی

پنجاب کے شہر ساہیوال میں ڈکیتی کی انوکھی واردات ہوئی جہاں دو مسلح افراد نے بیس ہزار روپے لینے سے انکار کردیا۔

اے آر وائی نیوز کے مطابق ساہیوال کے شہر دیال پور میں واقع جھال روڈ پر مسلح افراد ایک دکان میں داخل ہوئے اور مالک کو یرغمال بنا کر پیسے دینے کا مطالبہ کیا۔

دکان مالک نے ملزمان کو بیس ہزار روپے نقد رقم دی تو انہوں نے اسے کم کہہ کر پیسے واپس دکاندار کو دیے اور وہاں سے چلے گئے۔

بعد ازا ں ملزمان دیالپور کے ایک ڈیپارٹمنٹل اسٹور میں داخل ہوئے، جہاں سے وہ پانچ لاکھ روپے چھین کر فرار ہوئے۔

پولیس نے سی سی ٹی وی فوٹیج کی مدد سے تفتیش کر کے بتایا کہ دونوں وارداتوں میں ایک ہی گروپ ملوث ہے، جس نے کم رقم چھوڑ کر بڑا ہاتھ مارا۔

پولیس نے سی سی ٹی وی فوٹیج کی مدد سے ملزمان کی تلاش شروع کردی ہے۔

Source: ARY