Flooding situation in Karachi after devastating rain
DG ISPR's response on Sohail Warraich's article about Army Chief
Resolution On Pakistan Passed in California Senate
Army Chief General Asim Munir's talk in Brussels - Talat Hussain's analysis
Breaking News: Supreme Court grants bail to Imran Khan in 8 cases of May 9
Supreme Court grants bail to Imran Khan - Munib Farooq's analysis
Fearing Criticism, New Zealand Cricket Turns off Comments in Latest Social Media Posts
کیوی بورڈ نے ٹیم کے آکلینڈ پہنچنے کی ٹوئٹر پوسٹ پر کمنٹ سیکشن ہی بند کر دیا
نیوزی لینڈ کرکٹ بورڈ نے دورہ پاکستان منسوخ کرنے والی اپنی ٹیم کے آکلینڈ پہنچنے پر سوشل میڈیا کا کمنٹ سیکشن ہی بند کر دیا۔
چند روز قبل نیوزی لینڈ کرکٹ ٹیم نے پاکستان کے خلاف پہلے ون ڈے میچ سے کچھ دیر قبل سکیورٹی وجوہات کو جواز بناتے ہوئے اسٹیڈیم نہ جانے کا اعلان کیا جس کے باعث دونوں ٹیموں کے درمیان ون ڈے اور ٹی ٹوئنٹی میچوں پر مشتمل سیریز منسوخ ہو گئی۔
وزیر داخلہ شیخ رشید نے نیوزی لینڈ کی جانب سے اچانک دورہ ختم کرنے کو سازش قرار دیا جبکہ چیئرمین پاکستان کرکٹ بورڈ رمیز راجہ نے معاملے کو آئی سی سی میں اٹھانے کا اعلان کیا ہے۔
نیوزی لینڈ کرکٹ ٹیم براستہ دبئی آکلینڈ پہنچی جس کی اطلاعات کیوی بورڈ نے اپنے ٹوئٹر اکاؤنٹ پر دیتے ہوئے کھلاڑیوں کی جہاز سے باہر نکلنے کے ایک ویڈیو بھی شیئر کی۔
کیوی بورڈ نے ویڈیو کے کیپشن میں لکھا کہ 24 رکنی بہادر اسکواڈ براستہ دبئی آکلینڈ پہنچ گیا ہے اور اب تمام ممبران 14 روز قرنطینہ میں گزاریں گے۔
نیوزی لینڈ کرکٹ بورڈ نے ممکنہ طور پر دورہ پاکستان منسوخ کرنے پر ہونے والی تنقید سے بچنے کے لیے اس ویڈیو پر کمنٹ سیکشن ہی بند کر دیا اور صرف ان لوگوں کو کمنٹ کرنے کی اجازت فراہم کی گئی جنہیں کیوی کرکٹ بورڈ نے مینشن کیا ہے تاہم یہ معلوم نہیں ہو سکا کہ بلیک کیپس نے کن لوگوں کو کمنٹ کرنے کی اجازت فراہم کی۔
Source
