Field Marshal General Asim Munir being awarded with Hilal e Jurrat
Heart Attacks on the Rise — Is the COVID Vaccine to Blame? Iqrar ul Hassan's Analysis
Imran Khan is suffering from constipation in Adiala jail and using herbal medicine for treatment
Breaking News: Mufti Kifayatullah injured in shooting by his own son, daughter and son killed
Why the US terror label on BLA changes everything for Pakistan - Kamran Khan's analysis
Religious extremism is rising in Pakistan - Reema Omer's views on Pakistan independence day
Egypt: 10 Sala Bachi Se Jinsi Ziadti Karne Per Imam Masjid Ko Umar Qaid Ki Saza
مصرمیں دس سالہ بچی کو جنسی زیادتی کا نشانہ بنانے والے امام مسجد کوعمر قید کی سزا
مصر کے شہر المنصورہ میں ایک عدالت نے پیر کے روز ایک مسجد کے امام اور دینی مبلغ سلیمان فائد کو عمر قید کی سزا سنا دی۔ سلیمان پر الزام تھا کہ اس نے منشات البدوی گاؤں میں واقع اپنے گھر کے اندر ایک بچی کے ساتھ جنسی فعل کا ارتکاب کیا۔
عدالت نے سلیمان کو پابند کیا ہے کہ وہ بچی کے گھر والوں کو زر تلافی کے طور پر 15 ہزار مصری پاؤنڈ ادا کرے اور ساتھ ہی عدالتی کارروائی کے اخراجات بھی دے۔
اس سے قبل منشات البدوی گاؤں کی ایک 39 سالہ خاتون نے رپورٹ درج کرائی تھی کہ دینی مبلغ سلیمان فائد نے خاتون کی 10 سالہ بیٹی "جنّہ" کو جنسی ہوس کا نشانہ بنایا ہے۔ خاتون کے مطابق قرآن حفظ کرنے کا سبق ختم ہونے پر بقیہ طلبہ کے چلے جانے کے بعد سلیمان بچی کو اپنے گھر لے آتا تھا۔
جنہ کی ماں نے بتایا کہ اس کی بیٹی ملزم سلیمان کے گھر جا کر قرآن کریم حفظ کرنے میں ہچکچاتی تھی۔ کئی مرتبہ جنسی حملے کا نشانہ بننے کے بعد بچی نے سلیمان کے گھر جانے سے انکار کر دیا۔ مزید استفسار پر بچی نے سلیمان کی گھناؤنی حرکت کا اعتراف کر لیا۔ بچی کو خوف تھا کہ اس کے ساتھ پھر سے یہ واقعہ نہ پیش آئے۔
جنہ کی ماں نے بتایا کہ اس کا شوہر کئی برس قبل فوت ہو چکا ہے۔ اس نے سلیمان پر اعتماد کرتے ہوئے اپنی بیٹی کو قرآن حفظ کرنے بھیجا مگر سلیمان نے بچی کی کم سنی کا فائدہ اٹھاتے ہوئے اس کی آبرو ریزی کی۔ تحقیقات کے دوران میں سلیمان نے اس جرم کے ارتکاب سے انکار کیا تاہم طبی رپورٹ میں ثبات ہو گیا کہ بچی کو زیادتی کا نشانہ بنایا گیا ہے۔
Source
