پاکستان کا اس وقت عمران خان نے برا حال کردیا ہے، غریبوں کے بچوں کو بھوکا مار دیا ہے، لوگوں کو روٹی سے ترسا دیا ہے۔ پاکستان کو ایک تماشا بنادیا ہے پوری دنیا میں۔ پاکستان کو دنیا کا کرپٹ ترین ملک قرار دیا گیا ہے۔ ایسے حالات میں کون پاکستانی ہے جو عمران خان سے نجات حاصل نہیں کرنا چاہتا۔ مہنگائی ، بیروزگاری نے لوگوں کی مت مار دی ہے۔ آج مسلم لیگ ن کا جو سینٹرل ایگزیکٹیو کمیٹی کا اجلاس ہوا ہے اس میں یہ فیصلہ کیا گیا ہے کہ مسلم لیگ ن اس ظالم حکمران عمران خان سے نجات دلانے کیلئے آگے قدم بڑھائے گی اور یہ عین وقت کی ضرورت ہے۔ میں یہ سمجھتا ہوں کہ اس سے بڑھ کر اس وقت کسی کام کی کوئی اہمیت نہیں، سب سے اہم کام اس وقت یہی ہے کہ ایسے ظالم حکمران سے عوام کو نجات دلائی جائے۔ انشاء اللہ مسلم لیگ ن ہی یہ فریضہ ادا کرے گی۔ نوازشریف کی لندن میں گفتگو