شہباز گل نے فیصل آباد میں گفتگو کرتے ہوئے کہا کہ ہمارے بھی کئی لوگوں کے دل میں مال پانی بنانے کی ​امنگیں ہوں گی، پر بات ایک ہے ان سب کو پتا ہے کہ اسلام آباد میں ایک شخص بیٹھا ہے، قد اس کا چھ فٹ ہے ، نام اس کا عمران خان ہے، ڈنڈا مارتے ہوئے دیکھتا نہیں کہ ہڈی پہ مارنا ہے کہ پسلی پہ مارنا ہے۔۔


شہباز گل نے مزید کہا کہ کیا آپ کو چوکوں میں مزدور کھڑے بییروزگار نظر آتے ہیں؟ ہم نے دودھ کی نہریں نہیں بہادیں، ہم پانچ سال میں دودھ کی نہریں نہیں بہاسکتے، ہم نے کہا تھا کہ ہمارا بڑا وزیر مشیر، وزیراعظم کرپشن نہیں کرے گا، پہلے نوے دن میں آپ کےسامنے لائیں گے اگر کوئی کرے گا تو، الزام لگانے کو تو لوگوں نے حضرت مریم پر بھی الزام لگادیئے تھے، الزام تو سب پر لگتے ہیں، کوئی اپنے بارے میں سچ نہیں سننا چاہتا اور کوئی دوسرے کو یہاں ایماندار نہیں سمجھتا۔ کیا آج تک ہمارے کسی وزیر مشیر کے خلاف کوئی ڈاکیومنٹڈ سکینڈل آیا؟ اللہ کے فضل سے نہیں آیا۔