کچھ انتہا پسند یہودیوں نے انکشاف کیا ہے کہ وہ مسلمانوں کا لباس پہن کر مقدس مقام، ٹیمپل ماؤنٹ یا مسجد اقصیٰ کے احاطے میں عبادت کرنے کے لیے جاتے ہیں۔ اسرائیل کے 1967 میں مشرقی یروشلم پر قبضہ کرنے کے بعد سے یہاں ایک نازک صورت حال برقرار ہے۔ غیر مسلم اس کمپلیکس کا دورہ کر سکتے ہیں لیکن وہاں نماز نہیں پڑھ سکتے۔

بی بی سی نے ایک یہودی اسرائیلی کارکن، رافیل مورس سے بات کی جو ’ریٹرننگ ٹو دی ماؤنٹ‘ نامی ایک گروہ کی قیادت کرتے ہیں۔ وہ اس جگہ پر عبادت کی حمایت کرتے ہیں جسے وہ ٹیمپل ماؤنٹ کہتے ہیں۔ جبکہ ایک فلسطینی مسلمان کارکن، ہنادی ہلاوانی کا کہنا ہے کہ وہ مسجد اقصیٰ کا دفاع کریں گی۔