سینیٹر افنان اللہ نے سینیٹ میں میاں چنوں میں پیش آئے افسوسناک واقعے پر اظہار خیال کرتے ہوئے کہا کہ ہماری سٹیٹ کی پالیسی پچھلی کئی دہائیوں سے ایسی رہی ہے کہ ہم نے مختلف فرقوں کو ریڈکلائز کیا ہے اپنا ایجنڈا پورا کرنے کیلئے اور اس کی ہم نے بہت بڑی قیمت ادا کی ہے،بم دھماکوں کی صورت میں، فرقہ ورانہ فسادات کی صورت میں۔ یہ جو موب لنچنگ والا واقعہ پہلے سیالکوٹ میں ہوا اور اب میاں چنوں میں ہوگیا، اس میں پورا تسلسل آرہا ہے، ہمیں چاہئے کہ اس کو ابھی روکیں اگر اس کو نہ روکا گیا تو ہر گلی کوچے میں یہی ہوگا لوگ اپنے پرسنل معاملات کو سیٹل کرنے کیلئے اسلام اور بلاسفیمی لاء کو استعمال کریں گے۔