وزیر اعظم کی اہلیہ کے بیٹے سمیت 3 ملزمان پر شراب برآمد ہونے کا مقدمہ

لاہور پولیس نے وزیر اعظم عمران خان کی اہلیہ بشریٰ بی بی کے چھوٹے بیٹے، ان کے کزن اور دوست پر شراب کی موجودگی کے الزام میں مقدمہ درج کرلیا۔

ڈان اخبار کی رپورٹ کے مطابق ایف آئی آر کے مطابق غالب مارکیٹ پولیس نے ان کی کار سے شراب برآمد کی اور ملزم محمد موسیٰ مانیکا، کزن احمد مانیکا (جو نواز لیگ کے ایم این اے احمد رضا مانیکا کا بیٹا ہے) اور دوست احمد شہریار کے خلاف مقدمہ درج کیا ہے۔

تینوں ملزمان کے خلاف مقدمہ (حد آرڈر 1979) کی دفعات 3، 4 اور 11 کے تحت مقدمہ درج کیا گیا جبکہ پولیس نے انہیں ظہور الٰہی روڈ سے گرفتار کیاتھا۔

ہسپتال میں معائنے کے بعد معلوم ہوا کہ احمد شہریار نشے میں تھے، تاہم مانیکا خاندان سے ضمانت کے بعد ملزمان کی رہائی کے احکامات جاری کردیے گئے ہیں، گرفتاری کے وقت انہوں نے کوئی ممنوعہ چیز نہیں دکھائی تھی۔

احمد شہریار نے عدالت سے ضمانت پر رہائی حاصل کی تاہم پولیس نے برآمد شدہ شراب کے نمونے فرانزک کے لیے بھیج دیے ہیں۔