وزیراعظم عمران خان جب امریکہ کے دورے پر گئے اور امریکی صدر ڈونلڈ ٹرمپ سے ملاقات کی تو وہاں ایک پاکستانی صحافی طیبہ ضیاء چیمہ نے وزیراعظم عمران خان سے عافیہ صدیقی کے متعلق سوال پوچھ لیا، جس پر وزیراعظم عمران خان نے بہت ہی دھیمی آواز میں کہا کہ ہم دیکھیں گے۔ بات کریں گے۔ بعد میں سوال پوچھنے والی صحافی طیبہ ضیاء چیمہ نے گفتگو کرتے ہوئے بتایا کہ انہوں نے وزیراعظم عمران خان سے ٹرمپ کے سامنے یہ سوال پوچھا تو وزیراعظم عمران خان گھبرا گئے اور نروس ہوگئے، کیونکہ وہ اس سوال کی توقع نہیں کررہے تھے۔ طیبہ ضیاء چیمہ نے بتایا کہ جب وہ یہ سوال کرکے باہر نکلیں تو کچھ پاکستانی صحافیوں نے انہیں کہا کہ آپ نے یہ سوال کیوں کیا، وزیراعظم عمران خان نے تو منع کیا تھا کہ عافیہ صدیقی کے متعلق سوال نہیں کرنا۔ طیبہ ضیاء چیمہ نے کہا اگر عمران خان نے انہیں روکا بھی ہوتا تب بھی وہ یہ سوال کرتیں، کیونکہ عافیہ صدیقی تو ایجاد ہی عمران خان کی تھیں۔