Top Rated Posts ....

چیف جسٹس نے فاٹا میں سحر وافطار کے دوران طویل لوڈشیڈنگ کا نوٹس لےلیا

Posted By: Fozia Gillani, July 22, 2013 | 01:18:04




اسلام آ باد: چیف جسٹس افتخار محمد چوہدری نے فاٹا کے علاقوں میں سحر وافطار کے دوران طویل لوڈشیڈنگ کا نوٹس لے لیا۔
چیف جسٹس افتخار محمد چوہدری نے مہمند ایجنسی سے سینیٹر ہلال الرحمن کی درخواست پر ازخود نوٹس لے لیا، سینیٹر ہلال الرحمان نے سپریم کورٹ میں درخواست دائرکی تھی کہ فاٹا میں روزانہ 22 ،22 گھنٹےبجلی بندرہتی ہے، ان کا کہنا تھا کہ وزیر اعظم کی جانب سے سحر اور افطار میں بجلی بند نہ کرنے کے احکامات کے باوجود سحرو افطار کے اوقات میں بجلی کی لوڈشیڈنگ کی جارہی ہے، درخواست میں مزید کہا گیا کہ پیسکو مہمند ایجنسی کو اس کا حصہ نہیں دے رہا، فاٹا کا بجلی کا کوٹہ پیسکو کے کوٹے کا 3 فیصد ہے، اگر ہمیں وہی مل جائے تو حالات بہتر ہو سکتے ہیں۔
اس موقع پر چیف جسٹس آف پاکستان نے قبائلی علاقوں میں لوڈ شیڈنگ کا ازخود نوٹس لیتے ہوئے چیئرمین این ٹی ڈی سی سے رپورٹ طلب کر لی۔


Source: Express News




Follow Us on Social Media

Join Whatsapp Channel Follow Us on Twitter Follow Us on Instagram Follow Us on Facebook


Advertisement





Popular Posts

Comments...