Top Rated Posts ....

عمران سندھ کا امن تباہ کرنا چاہتے ہیں، ایم کیوایم - عمران خان الطاف حسین پر بے بنیاد الزام لگا رہے ہیں

Posted By: Sobia Saleem, July 22, 2013 | 07:26:15




کراچی: متحدہ قومی موومنٹ کےرہنماء حیدر عباس رضوی نےتحریک انصاف کے سربراہ عمران خان پر کڑی تنقید کرتے ہوئے کہا ہے کہ وہ سندھ کا امن تباہ کرنا چاہتے ہیں۔

کراچی میں پریس کانفرسن کرتے ہوئے ایم کیو ایم کی رابطہ کمیٹی کے رکن حیدر عباس رضوی کا کہنا تھا کہ عمران خان بغیر ثبوت کے الزام تراشیاں کر رہے ہیں اور الطاف حسین کے خلاف جھوٹا پروپگینڈا کیاجا رہاہے۔

حیدر عباس رضوی نے کہا کہ زہرہ شاہد کے قتل کا الزام ایم کیو ایم پر لگاکر سیاسی رنگ دیا گیا،زہرہ شاہد کا ڈیڑھ سال سے پارٹی میں کوئی عہدہ نہیں تھاجبکہ ان کے قتل کے فورًا بعد عمران خان نے قتل کا الزام بغیر تصدیق کیے الطاف حسین پر عائد کردیا۔

ان کے بقول زہرہ شاہد کے قتل کے ٹھیک ایک گھنٹے بعد سماجی رابطوں کی ویب سائٹ پر ایم کیوایم کے خلاف منفی پروپگینڈا شروع کردیا گیا ۔

ایم کیو ایم کے رہنما نے کہا کہ عمران خان الطاف حسین پر بے بنیاد الزام لگا رہے ہیں وہ پہلے بھی ایم کیو ایم کے قائد کو برطانیہ سے نکلوانے کیلئے لندن جاچکے ہیں لیکن وہ کامیاب نہیں ہوئے ۔

حیدر عباس رضوی کا یہ بھی کہنا تھا کہ خیبرپختونخوا میں تحریک انصاف کی حکومت ناکام ہورہی ہے وہاں وزیر اعلیٰ کی بات نہیں مانی جارہی جب کہ الیکشن میں کیے گئے وعدے بھی پورنے نہیں کیے جارہے۔


Source: The News Tribe




Follow Us on Social Media

Join Whatsapp Channel Follow Us on Twitter Follow Us on Instagram Follow Us on Facebook


Advertisement





Popular Posts

Comments...