پچھلے کچھ عرصے سے پاکستان میں مختلف جگہوں پر درختوں اور جنگلوں کو آگ لگنے کے پے در پے واقعات پیش آرہے ہیں، جس کی کوئی وجہ معلوم نہیں ہوسکی ہے۔ پیپلز پارٹی کے رہنما سعید غنی نے اپنے آفیشل ٹویٹر اکاؤنٹ سے ٹویٹ کرتے ہوئے اس کا الزام عمران خان کی اہلیہ بشریٰ بی بی پر لگایا ہے۔ سعید غنی نے بشریٰ بی بی کا نام لئے بغیر ٹویٹ کرتے ہوئے لکھا "سنا ہے کسی عامل /عاملہ نے اسلام آباد میں کسی کو گرفتاری سے بچنے کیلئے جنگلات کو آگ لگانے کا عمل بتایا ہے ۔ یہ بات سمجھنی چاہئے کہ اگر بہت سارے عمل/ جادو ٹونے حکومت کو نہیں بچا سکے تو گرفتاری سے کیسے بچا سکتے ہیں"۔۔