معروف صحافی سبوخ سید نے اپنی ٹویٹ میں ایاز امیر کی تصاویر شیئر کرتے ہوئے بتایا ہے کہ ایاز امیر پر دنیا نیوز کے آفس کے باہر نامعلوم افراد نے حملہ کیا ہے، ان پر سخت تشدد کیا، تھپڑوں کی بارش کردی اور ان کا موبائل بھی چھین لیا۔

دنیا نیوز کے صحافی طارق حبیب کے مطابق ایاز امیر جیسے ہی دنیا ٹی وی پر پروگرام ختم کرنے کے بعد باہر نکلے ان کی کار کو ایک گاڑی نے بلاک کرلیا اور تقریبا 6 افراد نے ان پر اور ان کے ڈرائیور پر تشدد کیا۔

ایاز امیر دنیا نیوز میں ایک معروف پروگرام "تھنک ٹینک" میں سیاسی تجزیہ کرتے ہیں۔ یہ بات قابل ذکر ہے کہ ایاز امیر نے ابھی ایک دن قبل ہی عمران خان پر ان کے سامنے سخت تنقید کی تھی۔