اے آر وائی کے مالک سلمان اقبال نے چار ٹویٹس کرتے ہوئے شہباز گل کے معاملے پر اپنا موقف واضح کردیا اور خود کو شہباز گل کے موقف سے الگ کردیا۔ ملاحظہ کیجئے سلمان اقبال کا موقف

----------------------
جب سے اے آر وائی کا قیام عمل میں آیا، ہمارا ایک ہی نظریہ اور ایک ہی مقصد ہے اور وہ ہے ہمارا عظیم وطن پاکستان، ہم آج بھی اسی نظریے پر قائم ہیں، دشمن چاہے بیرونی ہو یا اندرونی اے آر وائی نے ہر حالت اور ہر قیمت پر اپنے ملک اور افواج کا دفاع کیا۔ اے آر وائی اپنی عظیم فوج کی قربانیوں اور ملک کےلیے اس کی خدمات کو ہمیشہ سامنے لاتا رہا۔

میں حیران ہوں کہ جو چینل اور سیاسی قوتیں ماضی میں ملک، ریاست اور فوج پر حملے کرتے رہے، آج وہ اے آر وائی پر الزام تراشی کر رہے ہیں۔ حکومت ہمیں سیاسی انتقامی کارروائی کا نشانہ بنانا چاہتی ہے تو ضرور بنائے۔ لیکن مجھے اور میرے ادارے کو فوج اور ملک دشمن قرار نہ دے، اے آر وائی نے ہمیشہ سیاسی جماعتوں کو اپنے پلیٹ فارم سے بات کرنے کا موقع دیا، ایسا ہی ایک معاملہ پیر کے روز ہوا جب گل صاحب نے اپنی رائے دی، حکومت غلط طور پر ایک سیاسی شخصیت کی ذاتی رائے اے آر وائی سے جوڑنے کی کوشش کررہی ہے۔

مجھے اس سے فرق نہیں پڑتا کہ ہمارےخلاف کیا انتقامی کارروائی کی جاتی ہے لیکن میں اور میرا ادارہ اپنےعظیم وطن اوراپنی بہادر افواج کے ساتھ سیسہ پلائی دیوارکی طرح کھڑے رہیں گے،پاکستان ذندہ باد۔
----------------------