Punjab government decides to dismiss the police officers involved in the May 25 incident

پنجاب حکومت کا 25 مئی واقعے میں ملوث پولیس افسران کو نوکریوں سے فارغ کرنے کا فیصلہ
لاہور: وزیر داخلہ پنجاب کرنل ریٹائرڈ ہاشم ڈوگر کا کہنا ہے کہ 25 مئی کو پی ٹی آئی کارکنوں پر تشدد کرنے والوں کے خلاف کارروائیاں جاری ہیں۔
ایک بیان میں ہاشم ڈوگر نے کہا کہ پنجاب اسمبلی میں تشدد کے واقعات میں ملوث افراد کے خلاف مقدمات درج ہیں، پولیس سرچ وارنٹ کے ساتھ ملوث افراد کی گرفتاریوں کے لیے کارروائی کر رہی ہے۔
انہوں نے کہا کہ 25 مئی اور ضمنی انتخابات میں اختیارات سے تجاوز کرنے پر افسران عہدوں سے ہٹا دیے ہیں، سی سی پی او لاہور، ڈی آئی جی آپریشنز، ڈی آئی جی انویسٹی گیشن کو عہدے سے ہٹا دیا گیا ہے جبکہ 30 انسپکٹرز کو فوری طور پر معطل اور نوکریوں سے برخاست کیا جا رہا ہے۔
وزیر داخلہ پنجاب نے کہا کہ 4 ایس پیز اور 7 ڈی ایس پیز بھی معطل کر کے معاملے کی اعلیٰ سطح پر انکوائری کرائی جا رہی ہے۔
وزیر داخلہ پنجاب نے مزید بتایا کہ فیصل آباد میں خواتین پر بندوق تاننے والے سب انسپکٹر کو بھی نوکری سے برخاست کر دیا گیا ہے۔
Source
Tweet from Iranian delegation leader Baqir Qalibaf after the talks
Islamabad: US Vice President JD Vance's media briefing after completing talks with Iran
JD Vance praises Field Marshal Asim Munir and PM Shahbaz Sharif
US Vice President JD Vance departs to the United States after negotiations
China's response on US announcement to blockade Strait of Hormuz
Hamid Mir's views on future of negotiations between US & Iran











