میں عمران خان کا ہمیشہ سے مداح رہا ہوں، مگر یہ سیاست میں مذہب کا بہت زیادہ استعمال کرتے ہیں، شاید مولانا فضل الرحمان کا مقابلہ کرتے ہیں، سیاست میں مذہب کو اتنا نہیں لانا چاہئے۔ عدلیہ کی آزادی کے موضوع پر منعقدہ سیمینار میں اعتزاز احسن نے عمران خان کی موجودگی میں ان پر اعتراض اٹھادیا۔

عمران خان نے اپنی تقریر کے آغاز میں ہی اعتزاز حسن کی تنقید کا جواب دیتے ہوئے کہا کہ میرے ہمسائے اعتزاز احسن نے کہا کہ میں سیاست میں مذہب کا استعمال بہت کرتا ہوں، میں یہ واضح کرنا چاہتا ہوں کہ اگر میرے میں اللہ ایمان نہ ڈالتا تو میں کبھی سیاست میں نہ آتا۔ مجھے تو اللہ سب کچھ دے بیٹھا ہے۔ میں صرف سیاست میں اس وجہ سے آیا کہ اللہ نے دنیا میں جو بھی پیغمبر بھیجے، انہوں نے یہی پیغام دیا کہ جتنا بھی اللہ آپ کو نوازتا ہے اتنا آپ پر زیادہ ذمہ داری ڈال دیتا ہے۔