Copyright Policy Privacy Policy Contact Us Instagram Facebook
Top Rated Posts ....
Kashif Abbasi's tweet after Mehar Bukhari's bank account frozen Kashif Abbasi's tweet after Mehar Bukhari's bank account frozen Social media star Ahmed Shah’s younger brother Umar passes away Social media star Ahmed Shah’s younger brother Umar passes away Fawad Chaudhry's tweet against Imran Khan's religious politics Fawad Chaudhry's tweet against Imran Khan's religious politics Doctor explains the possible reasons of Umar Shah's death Doctor explains the possible reasons of Umar Shah's death Engineer Muhammad Ali Mirza has been kept in solitary confinement in Jail - Azaz Syed Engineer Muhammad Ali Mirza has been kept in solitary confinement in Jail - Azaz Syed Legendary boxer Mike Tyson knocks MrBeast down with a punch that leaves him breathless Legendary boxer Mike Tyson knocks MrBeast down with a punch that leaves him breathless

PEMRA Bans TV Channels From Broadcasting the Mathira's Controversial Ad

Posted By: Ajmal Shah, July 23, 2013 | 10:17:12


Mathira's Ad



اسلام آباد: پاکستان کی میڈیا ریگولیٹری اتھارٹی (پیمرا) نے عوامی شکایات پر ملک کی مشہور خاتون سٹار کے ایک اشتہار کو ‘غیر اخلاقی’ قرار دے کر اس پر پابندی لگا دی ہے۔

اے ایف پی کی ایک رپورٹ کے مطابق، پیمرا نے تمام براڈ کاسٹرز کو ایک خط کے ذریعے ہدایات جاری کی ہیں کہ وہ فوری طور پر ‘جوش کنڈوم’ کے اشتہار چلانا بند کر دیں۔

پاکستانی معاشرے میں مانع حمل کے طریقوں پر مذہبی حلقوں کی جانب سے سخت ردعمل کے خدشہ کی وجہ سے میڈیا پر کھلے عام بات کرنے سے عموماً گریز کیا جاتا ہے۔

تاہم اس قسم کے غیر ذمہ درانہ اشتہار پر پابندی سے خدشہ ہے کہ بڑھتی ہوئی آبادی جیسا انتہائی اہم موضوع اجاگر نہیں ہو سکے گا۔

پچاس سیکنڈ پر مشتمل اس اشتہار میں متیرہ نے نئی دلہن کا کردار ادا کیا تھا جو اپنے شوہر کی خدمت کر کے ایک پڑوسی جوڑے کو حسد میں مبتلا کر دیتی ہے۔

بالاخر جب پڑوسی متیرہ کے شوہر سے پوچھتا ہے کہ آخر وہ کس طرح اپنی بیوی کو خوش رکھتا ہے تو اس کا جواب ہوتا ہے: ‘اپنی زندگی میں جوش لاؤ’۔

پیمرا کے ترجمان فخر الدین مغل نے بتایا کہ خط میں اشتہار کو ناشائستہ، غیر اخلاقی، سماجی، تہذیبی اور اخلاقی روایات کے مخالف قرار دیا گیا ہے۔

‘اس طرح کے غیر اخلاقی اشتہار کا پاکستانی ٹی وی چینلز پر، وہ بھی رمضان کے مہینے میں، چلنے پر ایکشن لیا جانا ضروری تھا’۔

اقوام متحدہ کے مطابق، ہر تیسرے پاکستانی کو مانع حمل کے طریقوں تک دسترس حاصل نہیں ہے اور ملک کی اٹھارہ کروڑ کی آبادی میں ہر سال دو فیصد کا اضافہ ہو رہا ہے۔

ماہرین نے خبردار کیا ہے کہ ملک کی تیزی سے بڑھتی آبادی کی وجہ سے قدرتی وسائل پر شدید بوجھ پڑ رہا ہے۔

جوش کنڈوم کو پاکستان میں ڈی کے ٹی انٹرنیشنل مارکیٹ کر رہی ہے۔

یہ ایک امریکی این جی او ہے جو ترقی پزیر ملکوں میں آبادی پر کنٹرول اور ایچ آئی وی سے بچاؤ کے لیے کام کرتی ہے۔



Source: Dawn News



Comments...