کچھ عرصہ قبل جب پرویز مشرف کے شدید بیمار ہونے کے بعد پاکستان لانے کی خبریں چلیں تو نوازشریف نے ایک ٹویٹ کیا اور لکھا "میری پرویز مشرف سے کوئی ذاتی دشمنی یا عناد نہیں۔ نہیں چاہتا کہ اپنے پیاروں کے بارے میں جو صدمے مجھے سہنا پڑے، وہ کسی اور کو بھی سہنا پڑیں۔ ان کی صحت کے لیے اللّہ تعالی سے دعاگو ہوں۔ وہ واپس آنا چاہیں تو حکومت سہولت فراہم کرے۔"۔

مریم نواز کی حالیہ آڈیو لیک نے اس ٹویٹ کے پیچھے کی کہانی کو کھول کر رکھ دیا ہے۔ مریم نواز شہبازشریف کے ساتھ گفتگو کرتے ہوئے کہہ رہی ہیں کہ اگر فوج نے پرویز مشرف کو پاکستان لانے کا فیصلہ کرلیا ہے تو اس کا مطلب ہے انہوں نے لانا ہی لانا ہے اور اگر ہم خاموش رہتے ہیں تو یہ تاثر جائے گا کہ ہماری حکومت کا تو کوئی اختیار ہی نہیں ہے اور فوج نے ہم پر زبردستی اپنا فیصلہ ٹھونس دیا ہے اور ہماری جگ ہنسائی ہوگی، اسلئے میں نے ابو (نوازشریف) سے کہا کہ وہ ایک ٹویٹ کردیں کہ پرویز مشرف کو پاکستان لانے میں ہماری حکومت سہولت مہیا کرے گی۔