ابتدائی پوسٹمارٹم رپورٹ کے مطابق مطابق ارشد شریف کی موت سر اور سینے میں گولیاں لگنے سے ہوئی، گولیاں لگنے سے دماغ اور پھیپھڑوں کو نقصان پہنچا، دماغ اور پھیپھڑوں کو پہنچنے والا نقصان ہی موت کا سبب بنا۔

ابتدائی رپورٹ کے مطابق ارشد شریف کی موت گولیاں لگنے کے بعد 10 سے 30 منٹ کے دوران ہوئی۔

مقتول کی لاش کا تفصیلی اندرونی و بیرونی معائنہ کیا گیا اور جسم کے مختلف اعضا کے نمونے لئے گئے۔ دل، پھیپھڑوں، جگر، معدے سے نمونے لئے گئے، لاش سے ملنے والا میٹل کا ٹکڑا بھی فرانزک کے لئے بجھوایا گیا۔

حکام کے مطابق جسم کے مختلف نمونے فرانزک لیب بھیجوا دیئے گئے ہیں، فرانزک رپورٹس آنےکےبعد حتمی پوسٹمارٹم رپورٹ جاری کی جائی گی۔ ابتدائی پوسٹ مارٹم رپورٹ پر 8 رکنی میڈیکل بورڈ نے تیار کی ہے۔

دوسری جانب کینیا میں قتل ہونےوالے ارشد شریف کی چار دن بعد نماز جنازہ اسلام آباد کی فیصل مسجد میں ادا کردی گئی۔

نماز جنازہ میں شہریوں، صحافیوں اور سول سوسائٹی کے نمائندوں نے بڑی تعداد میں شرکت کی۔ مرحوم کو آہوں اور سسکیوں میں ایچ الیون قبرستان میں سپرد خاک کردیا گیا۔