انٹرنیٹ پر ایک ویڈیو گردش کر رہی ہے جس میں ہسپتال کے گارڈ نے ایک بھوت مریض کے سات بات چیت کی اور اسے ڈاکٹر کے کمرے میں لے جانے کی ہدایت کی۔

خوفناک واقعہ ارجنٹائن میں پیش آیا جب ایک بھوت مریض اپنی موت کے چند دن بعد ہسپتال آیا اور گارڈ نے اس کے ساتھ گفتگو کی۔

وائرل فوٹیج میں دکھایا گیا ہے کہ ایک سیکیورٹی گارڈ اپنی کرسی سے اٹھ کر ڈاکٹر کے کمرے میں لے جانے سے پہلے استقبالیہ میں بھوت کا استقبال کرتا ہے۔ فوٹیج میں صرف گارڈ نظر آرہا ہے اور وہ جس سے بات کررہا ہے وہ نظر نہیں آرہا۔

گارڈ کے اشارے نے اسے خوفناک بنا دیا جب اس نے اپنے داہنے ہاتھ کو حرکت دی جیسے وہ کسی کو ہدایت دے رہا ہو۔ اس ویڈیو کے ایک اور کلپ میں گارڈ کو نظر نہ آنے والے مریض کے لیے وہیل چیئر پکڑتے ہوئے دکھایا گیا ہے۔

مقامی میڈیا نے بتایا کہ گارڈ نے فارم میں ایک مردہ خاتون کا نام درج کرایا۔

تاہم اسپتال انتظامیہ کا کہنا تھا کہ دروازے میں کچھ مسئلہ ہے اور یہ 10 گھنٹے میں 28 بار کھلتا رہا۔