خطرناک جوکر حکمرانوں کو اس بات کا احساس نہیں ہے کہ وہ ایک سابق وزیر اعظم کے خلاف "ڈرٹی ہیری" اور "سائیکو پیتھ" کے الفاظ استعمال کرنے پر جعلی ایف آئی آر اور بیہودہ بغاوت کے الزامات سے بیرون ملک پاکستان کے امیج کو کیا نقصان پہنچا رہے ہیں! وہ پاکستان کا مذاق بنا رہے ہیں۔

آج قائم کئے گئے 144ویں مقدمے کی صورت میں میرے خلاف بغاوت کے مقدمات کا اندراج اور ہمارے سینئر رہنما علی امین گنڈاپور پر جھوٹےپرچوں اور انکی گرفتاری کا سیدھا سادھا مقصد ہماری جماعت کی انتخابات میں حصہ لینے کی صلاحیت تباہ کرنا ہے۔ یہ سب اسی لندن پلان کا حصہ ہے جس کے تحت نواز شریف کو ضمانت دی گئی کہ انتخابات سے قبل جعلی پرچوں کی بھرمار اور قائدین کی گرفتاریوں کے ذریعے پاکستان تحریک انصاف کو کچل دیا جائے گا۔