اعزاز سید نے عدالت میں عمران خان سے گفتگو کرتے ہوئے پوچھا کیا آپ کو خطرہ ہے کہ آپ کو پھر گرفتار کرلیا جائے گا، اس پر عمران خان نے کہا کہ مجھے 100 فیصد خدشہ ہے کہ یہ دوبارہ مجھے گرفتار کریں گے۔ اعزاز سید نے عمران خان سے پوچھا کیا آپ کو نیب کسٹدی میں موبائل فون مل گیا تھا۔ اس پر عمران خان نے کہا کہ مجھے اپنی اہلیہ سے بات کرنے کیلئے فون دیا گیا تھا۔ اعزاز سید نے پوچھا کہ پھر آپ نے مسرت جمشید چیمہ کو فون کیوں کیا؟ عمران خان نے کہا کہ اہلیہ بشریٰ بی بی سے بات نہیں ہوسکی اسلئے مسرت جمشید چیمہ کو فون کیا۔