کل عمران خان نے ٹیلی گراف اخبار کی خبر کو بنیاد بنا کر یہ ٹویٹ کی کہ “اس مضمون میں دعویٰ کیا گیا ہے کہ میں نے جنرل عاصم کو بطور ڈی جی آئی ایس آئی استعفیٰ پر مجبور کیا کیونکہ انہوں نے مجھے میری اہلیہ بشریٰ بیگم کی کرپشن کے شواہد (کیسز) دکھائے۔یہ دعویٰ بالکل غلط ہے۔ جنرل عاصم نے مجھے میری اہلیہ کی کرپشن کے کوئی شواہد دکھائے نہ ہی میں نے انہیں اس بنیاد پر مستعفیٰ ہونے پر مجبور کیا۔”

عمران خان نے اب اپنے شکست خوردہ بیانیے کو ایک نیا رخ دینے کے لیے جنرل عاصم منیر کے ساتھ اپنے معاملات کو ایک ذاتی عناد کا رنگ دینے کی کوشش کی ہے تاکہ وہ یہ تاثر دے سکیں کہ ان کے ساتھ جو کچھ بھی ہو رہا ہے وہ جنرل عاصم منیر کے ذاتی بغض کی وجہ سے ہے جبکہ چیف آف آرمی سٹاف بیشتر مرتبہ یہ بات واضح کر چکے ہیں کہ ان کا جھکاؤ کسی سیاسی جماعت کی طرف نہیں ہے۔

خان صاحب سے چند اہم سوالات تو یہ بنتے ہیں؟

اگر ٹیلی گراف نے یہ غلط خبر چھاپی ہے تو خان صاحب ذرا ہمت کر کے ان کو Sue کیوں نہیں کرتے؟

اور اگر یہ وجہ نہیں تھی تو عمران خان نے جنرل عاصم منیر کو بطور ڈی جی آئی ایس آئی ان کی نوکری کے 8 ماہ بعد ہی اتوار کے روز کیوں بر طرف کیا؟

اور اگر کرپشن مسئلہ نہیں تھا تو پھر فرح گوگی کو کیوں بھگوایا۔ اس کو واپس بلوا کر قانونی کاروائی میں رکاوٹ بننے سے بچتے کیوں نہیں ہیں؟

خان صاحب صرف یہ چاہتے ہیں کہ کسی طرح سیاسی فائدہ حاصل کرنے کے لیے اپنے فساد کو آرمی چیف کے ساتھ ایک ذاتی عناد اور بغض کا رنگ دیں۔ مقصد صرف ایک ہے کہ کسی طرح لوگوں کی توجہ اپنے فسادات سے ہٹوا کر آرمی چیف کی ذات تک مبذول کروا دیں۔