پی ٹی آئی کے وائس چیئرمین شاہ محمود قریشی بھی پی ٹی آئی کے کارکنوں اور حامیوں کی طرح ضمانت ملنے کے بعد دوبارہ گرفتار کر لئے گئے۔

اب ہم پر جنگل کے قانون کی حکمرانی ہے، جس کی لاٹھی اس کی بھینس کا راج ہے اور اس کے راستے میں صرف ایک چیز کھڑی ہے جو ہماری عدلیہ ہے۔

سپریم کورٹ کے فیصلوں اور آئین کی ڈھٹائی سے خلاف ورزی کی جا رہی ہے۔ پی ٹی آئی کو کچلنے کے لیے پولیس کا استعمال کیا جارہا ہے، ہمارے رہنما پارٹی چھوڑنے پر مجبور کئے جارہے ہیں۔

بنیادی حقوق کو کھلے عام پامال کیا جارہا ہے، میڈیا مکمل طور پر ساقط، سوشل میڈیا ایکٹوسٹ کو دھمکیاں دی جارہی ہیں۔

عدالتی احکامات کے باوجود عمران ریاض کو عدالت میں پیش نہیں کیا جا رہا۔

اس کے علاوہ، ہمارے کارکنوں کو اس شدید گرمی میں چھوٹے سیلز میں بند کر دیا گیا ہے جبکہ دوسروں کو حراستی تشدد کا سامنا کرنا پڑرہا ہے۔

اس یزیدیت کو تسلیم کرنے کا مطلب ہماری قوم کی موت ہے اس لیے آخری سانس تک مزاحمت کروں گا۔