عمران خان نے توہینِ الیکشن کمیشن کیس میں فواد چودھری کے بیان کی تردید کر دی

فواد چودھری نے الیکشن کمیشن سے غیر مشروط معافی مانگتے ہوئے کہا تھا انہوں نے جو زبان الیکشن کمیشن کیخلاف استعمال کی وہ بطور ترجمان تحریک انصاف پارٹی کی ھدایات پر استعمال کی تھی۔

کمیشن کے کمرہ عدالت میں عمران خان سے ایم جے ٹی وی نے سوال کیا کہ کیا آپ اور آپکی پارٹی نے فواد چودھری کو الیکشن کمیشن کیخلاف ایسی زبان استعمال کرنے کے لئیے کہا تھا؟

“وہ تو آپ فواد چودھری سے پوچھیں، مجھے تو یہ بھی نہیں پتہ انہوں نے کونسی زبان استعمال کی تھی؟“ عمران خان نے جواب دیا

اس کیس میں فواد چودھری کے بھائی ایڈوکیٹ فیصل چودھری عمران خان اور فواد چودھری دونوں کے وکیل تھے جنھیں تبدیل کرنے کے بعد عمران خان نے ایڈوکیٹ شعیب شاھین کو وکیل مقرر کر دیا

فواد چودھری عمران خان کی آمد سے کچھ دیر پہلے ہی الیکشن کمیشن سے روانہ ہو گئے