Elon Musk’s X (Twitter) rolls out ads revenue sharing program for creators
ایکس نے ڈیجیٹل کانٹینٹ کریئٹرز کیلئے آمدنی کا پروگرام شروع کردیا
سوشل میڈیا پلیٹ فارم ایکس (ٹوئٹر) نے باضابطہ طور پر دنیا بھر کے ڈیجیٹل کانٹینٹ کریئٹرز کے لئے ذریعہ آمدنی کے پروگرام کا آغاز کردیا۔
غیرملکی میڈیا رپورٹس کے مطابق اب دنیا بھر کے ڈیجیٹل کانٹینٹ کریئٹرز ویڈیو شیئرنگ پلیٹ فارم یوٹیوب کی طرح سوشل میڈیا پلیٹ فارم ایکس (ٹوئٹڑ) سے بھی پیسے کما سکیں گے۔
میڈیا ذرائع کے مطابق اس سہولت سے صرف تصدیق شدہ صارفین مستفید ہوسکیں گے۔ تصدیق شدہ صارفین اپنے اکاؤنٹس کو مانیٹائز کروا کر اپنے ٹوئٹس اور پروفائلز پر اشتہارات کے اجرا سے پیسے کما سکیں گے۔
اس حوالے سے چند گھنٹے قبل ایکس (ٹوئٹڑ) کے آفیشل اکاؤنٹ سے ٹوئٹ کرتے ہوئے آگاہ کیا گیا ہے کہ آج وہ دن ہے جب عالمی سطح پر تخلیق کاروں کے لیے اشتہارات کے اشتراک سے آمدنی کا آغاز کیا جارہا ہے، اب پوسٹنگ کے لئے ادائیگی کی جائے گی۔
ٹوئٹ میں مزید بتایا گیا ہے کہ ’ایکس (ٹوئٹڑ) پلیٹ فارم کو انٹرنیٹ پر دنیا بھر کے تخلیق کاروں کے لئے روزی کمانے کا بہترین ذریعہ بنانا چاہتے ہیں اس کے لئے یہ ہمارا پہلا قدم ہے‘۔
اس کے ساتھ ہی مونیٹائزیشن کو ایکٹو کرنے کے لئے ’ہیلپ سینٹر‘ کا لنک بھی دیا گیا ہے۔
واضح رہے کہ ایکس (ٹوئٹڑ) پر اشتہارات کی آمدنی کا یہ پروگرام تخلیق کاروں کو براہ راست رقم کمانے کا موقع فراہم کرے گا۔ اس پروگرام کے تحت تخلیق کاروں کو ان کے مواد پر اشتہارات کی آمدنی کا ایک حصہ ملے گا۔
اس کے لئے ضروری ہے کہ ڈیجیٹل کانٹینٹ کریئٹرز کا اکاؤنٹ تصدیق شدہ ہو، فالوورز کی تعداد کم از کم 5 سو ہو اور گزشتہ 3 ماہ کے دوران ان کی مجموعی پوسٹس نے کم از کم 15 ملین ویوز حاصل کئے ہوں۔
Source
A woman had an interesting chat with Bilawal Bhutto during his stroll in Lahore's streets
Breaking News: Former DG ISI General (R) Faiz Hameed Sentenced To 14 Years in Prison
The remaining charges against General (retd) Faiz are yet to be processed and these are very important charges - Hamid Mir
Indian propaganda against Pakistan: Gulf states, including Saudi Arabia, ban bollywood film ‘Dhurandhar’
Faisal Vawda's response on Gen (r) Faiz Hameed's trial & punishment
Merchant escapes with 20 Kg Gold of fellows in Lahore Ichra Sarafa market











