ارشد شریف شہید کی اہلیہ سمعیہ ارشد کے وارنٹ گرفتاری جاری کرنے والے جوڈیشل مجسٹریٹ نے جس بے ضمیری اور بے حسی بلکہ بے غیرتی کا مظاہرہ کیا ہے اس پر پوری قوم کر کھُل کر اس کی مذمت کرنی چاہئے، اس بات سے بے خوف ہو کر کہ ہمارے خلاف توہین عدالت کی کارروائی ہو گی۔۔۔ ہم حاضر ہیں۔

خواتین سیاسی کارکنان، سیاست دان، ان کی بہن بیٹیوں اور عام عوام کے بعد اب ریاست کا اگلا نشانہ شہیدوں کی بیویاں اور بچے بنیں گے۔ جب بھی ہمیں لگتا ہے کہ اربابِ اختیار پستی کی انتہا پر پہنچ چکے ہے اور اس سے زیادہ کوئ گراوٹ نہیں ہوسکتی یہ پہلے سے زیادہ کوئ نیچ حرکت کر دیتے ہیں۔ ۱۱ ماہ سے ارشد شریف کے قتل کی تحقیقات کو ٹالا جارہا ہے۔ اس کی شہادت کے دن سے حقائق مسخ کیے جارہے ہیں۔ بیہودہ ترین ٹائمنگز چن کر گھٹیا پراپگنڈہ پریس کانفرنسز کی گئیں۔ شہید پر غلیظ الزامات عائد کیے گئے۔مافیہ کے بہروپیے ٹاؤٹ بٹھا کر روز نئے بیانیے بنوائے جارہے ہیں۔ جو ارشد شریف کا نام لیتا ہے اس کو اسی جیسے انجام کی دھمکیاں دی جاتی ہیں۔ جو اس کے ساتھ مشکل وقت میں کھڑا رہا ہر اس شخص کے بارے میں ابہام پھیلائے جارہے ہیں، انہی کی جانب انگلیاں اٹھائ جارہی ہیں۔ ایف-ایف- ٹی کی تحقیقات دبا دیں، سپریم کورٹ کی بنائ جے- آئ- ٹی کا کوئ نام نہیں لینا سارا ٹرائل میڈیا پر اپنے ہرکارے بٹھا کر ہوگا اور چن چن کر وہ لوگ نشانہ بنائے جائینگے جو ان کے ڈراوے میں نہیں آرہے۔ قوم چونٹیاں ہیں انہیں نہیں پتا کہ کس کو بچایا جارہا ہے۔ بادشاہ صرف ننگا نہیں رہا، بیچ چوراہے عریاں ناچ ناچ کر ہماری غیرتوں پر تازیانے مار رہا ہے۔