سابق امریکی صدر ڈونلڈ ٹرمپ نے ہیوسٹن، ٹیکساس میں ایک ریلی سے خطاب کرتے ہوئے پاکستان کے سابق وزیراعظم عمران خان کا ذکر کیا۔ ڈونلڈ ٹرمپ نے تقریر کے دوران کہا کہ ہم نے (امریکہ نے) شام میں آئی ایس آئی ایس کے البغدادی کو مارا، پھر ہم نے ایران کے قاسم سلیمانی کو مارا جو کہ روڈ سائیڈ بم کا فادر ہے،۔ ڈونلڈ ٹرمپ نے کہا کہ سلیمانی بہت ہی برا آدمی تھی، جنگ کے زمانے کے 94 فیصد معذور اسی کی وجہ سے ہیں۔ ڈونلڈ ٹرمپ نے مزید کہا کہ جب ہم نے قاسم سلیمانی کو مارا تو پاکستان کے ہیڈ عمران خان جو کہ بہت گریٹ کرکٹر رہے ہیں، اس نے مجھے کہا کہ قاسم سلیمانی کی موت میری زندگی میں سب سے بڑی خوشی کا لمحہ ہے۔ ڈونلڈ ٹرمپ نے کہا کہ عمران خان نے مجھے بتایا کہ جب مجھے قاسم سلیمانی کی موت کا پتا چلا تو میں اپنے آفس سے نکلا، اپنے گھر پہنچا اور پورا ایک ہفتہ میں نے تنہائی میں گزارا، یہ میری زندگی کا سب سے بڑا لمحہ تھا۔ ڈونلڈ ٹرمپ نے مزید کہا کہ عمران خان بہت ہی ہینڈسم آدمی ہے۔