اچھی بات ہے کہ پوری قوم حتی کہ پوری دنیا کو پتا ہے فروری 8 الیکشن کے نتائج کیا ہوں گے بہر حال ایک نئے دور کا آغاز ہوگا پاکستان SIFC کے ستون پر کھڑا مخلوط ( Hybrid ) یا (Inclusive) نظام حکومت سادہ لفظوں میں کہنا چاہئیے جمہوری فوجی اشراک کا ایک اور تجربہ کرنے جارہا ہے۰ اس سے پہلے ن لیگ وزیر اعظم شہباز شریف کی قیادت میں پی ڈی ایم حکومت کے دوران چیف آف آرمی استاف جنرل عاصم منیر کی تشکیل کردہ Special investment, facilitation council کو وجود میں لا کر اس عمل کا آغاز کرچکی تھی۔ اب ن لیگ نے اپنے منشور میں واشگاف الفاظ میں SIFC کی افادیت و اہمیت کو تسلیم اور اس کے جاری منصوبوں پر دامے ورمے سخنے عمل کرنے کی یقین دہانی کراچکی ہے۰ آسان الفاظ میں سمجھئیے بساط بچھ چکی ہے الیکشن فروری 8 کے بعد اختتام فروری تک ن لیگی نواز شریف یا شہباز شریف کی قیادت میں متعدد جماعتوں پر مشتمل مخلوط حکومت تشکیل دے دی جائے گی۰اس مخلوط حکومت کو فوج کی وہی مثالی مدد حاصل ہوگی جو عمران خان کو اور انکی مخلوط حکومت کو حاصل تھی منتخب وزیر اعظم اور آرمی چیف کی قیادت پر مبنی یہ وہ نظام ہے جس کی سب سے بڑی حمایتی پاکستان کی بزنس لیڈرشپ کارپوریٹ سیکٹر اور مارکٹس ہیں۔