لیاقت علی چٹھہ نے جو ہوشربا انکشافات کیے ہیں اور انہوں نے جو یہ کلیم کیا ہے کہ حالیہ الیکشن میں دھاندلی کی گئی ہے جس کی وہ مکمل ذمہ داری قبول کرتے ہیں اور انہوں نے دیگر بڑی سنگین باتیں بھی کی ہیں؛ جن کی بھرپور تحقیقات ہونی چاہئیں؛ لیکن تصویر کا ایک اور رُخ بھی ہے جو میں بطور صحافی آپ کے سامنے رکھنا چاہتی ہوں تاکہ چند حقائق ریکارڈ پر اور منظرِ عام پر آ سکیں۔

پہلی بات یہ ہے کہ کمشنر لیاقت علی چٹھہ 28 فروری کو اپنے عہدے سے ریٹائر ہو رہے تھے اور وہ ایک سپر سیڈڈ افسر superseded officer ہیں۔ اپنے سپرسیشن supersession کے بعد وہ کافی پریشان تھے اور قریبی بیوروکریسی ذرائع کے مطابق وہ نفسیاتی مسائل کی میڈیسن بھی لے رہے تھے۔

بہرحال اس معاملے کی مکمل تفتیش ہونی چاہیے اور مستعفی کمشنر کے نیچے جو ڈپٹی کمشنر صاحبان راولپنڈی میں مختلف فرائض سر انجام دے رہے تھے ان سے بھی فوری اس معاملے کی تحقیقات کی جانی چاہیے تاکہ مبینہ دھاندلی کے متعلق حقائق عوام کے سامنے لائے جا سکیں۔۔

یہاں یہ سوال بھی جنم لیتا ہے کہ اپنی ریٹائرمنٹ سے چند دن پہلے اس طرح کی بات چیت کر کے اور اتنے سنگین الزامات لگا کر کیا کوئی اور مقاصد حاصل کرنامقصد تو نہیں ہے۔۔۔؟