گزشتہ دنوں پولیس نے تاندلیانوالہ میں ایک مولوی ابوبکر معاویہ کو بچے کے ساتھ غلط حرکات کرتے ہوئے رنگے ہاتھوں پکڑا۔ جس پر علامہ ابتسام الٰہی ظہیر اور کچھ دیگر علماء نے بچے کے والد پر دباؤ ڈال کر صلح کیلئے راضی کرلیا اور بچے کے والد نے مولوی ابوبکر معاویہ کو معاف کردیا۔ پولیس نے راضی نامہ ہونے پر مولوی ابوبکر معاویہ کو رہا کردیا۔ سوشل میڈیا پر اس بات کو لے کر علامہ ابتسام الٰہی ظہیر پر سخت تنقید کی جارہی ہے۔

آصف زرداری کی بیٹی بختاور بھٹو زرداری نے علامہ ابتسام الٰہی ظہیر کی تصویر والی ٹویٹ کو کوٹ کرتے ہوئے لکھا پنجاب حکومت آگے بڑھے اور اس معاملے پر انکوائری قائم کرے، یہ 2024 ہے، ہمیں ایسے درندوں سے اپنے بچوں کو بچانا ہے۔