بہاولنگر واقعے پر وزیراعظم شہباز شریف ؛ وزیرداخلہ محسن نقوی، وزیراعلی پنجاب مریم نواز اور وزیردفاع خواجہ آصف کا “نیوٹرل” اور خاموش رہنا اس واقعے سے بھی بڑی ٹریجڈی ہے کہ ایسے ایکٹ کیا گیا ہے کہ ہمارا اس مسلے سے کیا لینا دینا۔ فوج جانے اور پولیس ۔ یہ دونوں ادارے خود آپس میں طے کر لیں گے۔ہم کیوں برے بنیں۔ ہم کیوں فوج اور پولیس سے تعلقات بگاڑیں۔
دو تین دن ہنگامہ رہے گا پھر سب خاموش ہو جائیں گے۔ کوئی نیا ہنگامہ کھڑا ہو جائے گا۔
حکمران کو ایسے مواقع پر برا بننا پڑتا ہے۔ سامنے آنا پڑتا ہے۔ حکمرانی ایک بڑی ذمہ داری ہے صرف عیاشی یا پروٹوکول کا نام نہیں۔ حکمرانی قیمت مانگتی ہے، لہو مانگتی ہے، سخت فیصلے مانگتی ہے نیوٹرلیٹی نہیں۔ افسوس سے کہنا پڑتا ہے آپ سب حکمران اس امتحان میں بری طرح ناکام ہوئے ہیں۔ فری فار آل کا ماحول بنا دیا گیا ہے۔ سب کچھ آٹو پائلٹ پر لگا دیا گیا ہے۔ اس اپروچ کے پورے معاشرے پر خطرناک اثرات ہوں گے۔ کسر تو خیر پہلے بھی کم نہیں لیکن اب کی دفعہ زیادہ سنگینی بڑھے گی۔ لاقانونیت بڑھے گی اور ہمارے ان بے پرواہ حکمرانوں کی حفاظت کے لیے مزید دستے درکار ہوں گے۔