سعودی عرب نے اسکولوں میں موسیقی کی تعلیم کیلئے 9000 سے زائد اساتذہ کی خدمات حاصل کرلیں

سعودی عرب نے 9000 سے زیادہ خواتین میوزک اساتذہ کی خدمات حاصل کی ہیں کیونکہ مملکت کی وزارت تعلیم نے کنڈرگارٹن اور پرائمری اسکول کے نصاب میں موسیقی کی تعلیم کو متعارف کرایا ہے،اس اقدام نے ملک بھر میں بڑے پیمانے پر غم و غصے کو جنم دیا ہے۔

سعودی وزارت ثقافت کے ڈائریکٹر پلاننگ نور الدباغ نے ریاض میں لرن کانفرنس کے دوران انکشاف کیا کہ وزارت اب 9000 خواتین اساتذہ کو کلاس رومز میں موسیقی سکھانے کی تربیت دے رہی ہے۔

سوشل میڈیا پر بہت سے لوگوں نے اس اقدام پر منفی ردعمل کا اظہار کیا، جو ولی عہد محمد بن سلمان کے بڑے اصلاحاتی مقصد کا ایک حصہ ہے۔ بہت سے لوگوں نے اسے قوم کے اخلاقی اور مذہبی اصولوں سے الگ ہونے کے طور پر دیکھا۔

بہت سے ناقدین کا دعویٰ ہے کہ یہ کارروائی اسلامی اصولوں کے خلاف ہے جس کی وجہ سے ایکس ٹرینڈ ہیش ٹیگ وی ریجیکٹ ٹیچنگ میوزک ان اسکولز ، شروع ہوا، جس میں 25000 سے زیادہ ٹویٹس کی جاچکی ہیں۔

کچھ لوگ جنہیں خدشہ ہے کہ اس سے سعودی عرب کی شناخت بدل سکتی ہے اور ان اصولوں کو ختم کر سکتا ہے جنہوں نے اس کی ثقافت کو طویل عرصے سے تشکیل دیا ہے، اس پر دوبارہ غور کرنے کا مطالبہ کر رہے ہیں۔

حالیہ برسوں میں سعودی عرب نے ولی عہد شہزادہ محمد بن سلمان کی طرف سے حمایت کی گئی بڑے پیمانے پر اصلاحات کے حصے کے طور پر ڈرامائی سماجی و اقتصادی تبدیلیاں دیکھی ہیں۔