لاہور کے چلڈرن ہسپتال میں تین سالہ بچہ مین ہول میں گر کر جاں بحق۔ والدین بچے کو علاج کیلئے ہسپتال لے کر آئے تھے۔۔

چونیاں کا رہائشی 3 سالہ باسم 2 روز قبل چلڈرن ہسپتال آیا تھا،ہسپتال کے پارک میں کھیلتے ہوئے باسم کھلے مین ہول میں گر گیا۔پولیس نے دفعہ 174 کی کاروائی کرتے ہوئے لاش والدین کے حوالے کر دی۔

والدین نے پولیس کو دیے گئے بیان میں واقعے کو حادثہ قرار دیدیا اور کہا کہ بچے کی ہلاکت اتفاق تھا۔

دوسری جانب وزیراعلیٰ پنجاب مریم نوازنے افسوسناک واقعے کا نوٹس لیتے ہوئےسیکرٹری ہیلتھ سےرپورٹ طلب کرلی،وزیر اعلیٰ نے سوگوار خاندان سے دلی ہمدردی و تعزیت کا اظہار بھی کیا ۔ان کا کہنا تھا کہ ہسپتال میں مین ہول کا کھلا ہونا مجرمانہ غفلت ہے۔