امریکی سٹیٹ ڈیپارٹمنٹ کی بریفنگ کے دوران ایک صحافی جلیل آفریدی نے ترجمان ٹیمی بروس سے سوال پوچھا کہ پاکستان کا سب سے مقبول لیڈر عمران خان پچھلے تین سال سے جیل میں ہے، کیا صدر ٹرمپ کو اس معاملے میں کوئی دلچسپی ہے، کیا اس پر وہ توجہ دیں گے؟ اس پر سٹیٹ ڈیپارٹمنٹ کی ترجمان ٹیمی بروس نے کہا کہ ہم حکومتِ پاکستان کے شکر گزار ہیں کہ انہوں نے ایک دہشتگرد کو پکڑنے میں ہماری مدد کی، دہشتگردی کے خلاف پاکستان اور امریکہ کے مفادات مشترکہ ہیں۔ عمران خان سے متعلق سوال کو ٹیمی بروس نے مکمل طور پر نظرانداز کرتے ہوئے کوئی جواب نہیں دیا۔