اسلام آباد ہائی کورٹ میں بلاسفیمی بزنس گینگ کے خلاف کیس کی (لائیو) سماعت چل رہی ہے۔ گزشتہ روز کیس کی سماعت کے دوران جب جسٹس سردار اسحاق خان کے سامنے ایف آئی اے کے حاضر سروس آفسر کی ویڈیو چلائی گئی تو ویڈیو دیکھ کر جج صاحب دنگ رہ گئے۔ ویڈیو میں ایف آئی آے آفیسر بار کے وکلاء سے خطاب کرتے ہوئے کہتے ہیں کہ میں نے اب تک 400 گستاخوں کو پکڑا ہے جن سے کئیوں کو سزا ہوئی ہے۔ ایف آئی اے آفیسر بار کے وکلاء کو مخاطب کرتے ہوئے کہتا ہے کہ آپ ایسے گستاخوں کے کیسز مت لیا کریں، اللہ اور اللہ کے رسول کو کیا منہ دکھائیں گے۔

ویڈیو دیکھنے کے بعد جج نے سوال پوچھا کہ ایک حاضر سروس آفیسر کیسے جاکر بار میں وکلاء کو یہ کہہ سکتا ہے کہ تم ملزمان کے کیسز مت لیا کرو۔