پیارے پاکستانیو، جب تک معیشت اور دفاع دونوں مضبوط نہیں ہونگے تو کوئی آپکی عزت نہیں کرے گا حتی کہ گھر والے بھی عزت نہیں کرتے :) لہذا ٹرینڈ چلانے اور غصے کا اظہار کرنے کے ساتھ ساتھ ملکی معیشت بارے ضرور سوچیں اور ذہن میں رکھیں کہ بہت سے دور حاضر کے سیٹھ بھی کسی وقت غریب تھے اور کوئی عزت بھی نہیں کرتا تھا

اپنے پڑوس میں دیکھ لیں بھارت میں بھوک کی مثال دی جاتی تھی انہیں مغربی مؤرخین نیم عریاں بھارتی (half-naked indians) کہتے تھے سالوں پہلے کی بات ہے ایک دفعہ نیو یارک ٹائمز کے
@tomfriedman
کا مضمون پڑھ رہا تھا اس نے لکھا کہ بچپن میں ہماری ماں یہ ڈرا کر ہمیں کھانے پر مجبور کرتی تھی کہ کھانا کھا لو، نہیں تو انڈین کھا جائینگے (مطلب کہ بھارتی بھوک کا استعارہ تھے) آگے جا کر اس نے لکھا کہ اب ہم اپنے بچوں کو ڈراتے ہیں کہ جاب لے لو وگرنہ انڈین لے جائینگے

اسی طرح چینی اپنی شاندار تہذیب کے باوجود زوال پذیر بھی ہوئے 1948 سے پہلے کے سو سال کو وہ century of humiliation کے طور پر یاد کرتے ہیں بیرونی حملہ آور قابض تھے اندرونی خلفشار کا بھی شکار تھے ایک وقت تھا کہ چینی یورپ جانے کیلئے پہلے پاکستان آتے اور یہاں سے براستہ پی آئی اے یورپ جاتے اب وہ امریکہ کا متبادل بن کر ابھرے ہیں Deng Xiaoping معاشی طاقت بننے والے چین کا بانی ہے اسکے دور میں چین نے معاشی ترقی شروع کی اور چین اسکی اس پالیسی پر کارفرما تھا (اور یہ چینی کہاوت بھی ہے) کہ یہ اہم نہیں کہ بلی سفید ہے یا کالی، جب تک وہ چوہے پکڑ رہی ہے وہ اچھی بلی ہے