'This Is Kashmir, Not Kashmore' - Nawaz Sharif takes aim at Bilawal in Mirpur
Why UK Home Secretary Shabana Mahmood is facing severe criticism by Pakistani community?
Karachi: Food delivery rider assaulted with hockey stick, Suspect arrested later
Modi govt surrenders as India's youth Cockroach movement protests intensifies
India's economy is in danger, Rupee is collapsing - Dhruv Rathee exposes Modi govt
Session judge Abdul Hakeem Kakar, his guard killed after vehicles targeted en route to Mastung
ایک ارب سال بعد سورج کی گرمی اس قدرسخت ہوجائے گی کہ سمندرکا پانی بخارات بن کر اڑنے لگے گا
لندن: سائنسدانوں کا کہنا ہے کہ کرہ ارض پرسب سے آخر تک زندہ رہنے والے بہت ہی چھوٹے جاندار زمین کی تہہ میں بھی زندہ رہ سکیں گے۔
محقیقین نے اب سے اربوں برس کے بعدکے کرہ ارض کی تقدیرکا اندازہ لگانے کے لیے کمپیوٹر ماڈل کا استعمال کیا ہے ۔ انھیں معلوم ہوا کہ وقت کے ساتھ ساتھ سورج کی تپش اور چمک بڑھتی جائے گی اوراس سخت ترین شمسی تبدیلیوں کوصرف نہایت چھوٹے جاندار برداشت کر پائیں گے۔ اسکاٹ لینڈ میں یونیورسٹی آف سینٹ اینڈریو کے جیک اومالے جیمز کا کہنا ہے اس وقت آکسیجن زیادہ موجود نہیں ہوگی تو انھیں زیرزمین یا بغیر آکسیجن کے ماحول، بہت زیادہ دباؤ اور سمندروں میں تبخیر کے سبب بہت زیادہ نمک زدہ ماحول میں زندہ رہنے کے لائق بنانے کی ضرورت ہوگی ۔ ان کے مطابق ایک ارب سال بعد سورج کی گرمی اس قدرسخت ہوجائے گی کہ سمندرکا پانی بخارات بن کر اڑنے لگے گا۔ ان کے مطابق اس سے آکسیجن کی سطح بہت تیزی سے کم ہوگی جس سے بڑے پیمانے پر پیڑ، پودے اورجانور ختم ہونا شروع ہوجائیں گے۔
